ខ្សែការពារ Arnold របស់ Liverpool ថារីករាយដែលធ្វើជាអ្នកគាំទ្រ Man Utd នៅយប់នេះ
- 2019-04-24 07:21:43
- ចំនួនមតិ 0 | ចំនួនចែករំលែក 0
ខ្សែការពារ Arnold របស់ Liverpool ថារីករាយដែលធ្វើជាអ្នកគាំទ្រ Man Utd នៅយប់នេះ
ចន្លោះមិនឃើញ
Trent Alexander-Arnold ថារូបគេនឹងស្ថិតនៅក្នុងចំណោមអ្នកគាំទ្រ Liverpool ជាច្រើននាក់ផ្សេងទៀតដែលគាំទ្រ Manchester United ក្នុងការប្រកួតទល់នឹង Manchester City សម្រាប់យប់នេះ។
ក្រុមរហស្សនាមពណ៌ផ្ទៃមេឃនឹងលេងបង្គ្រប់ប្រកួតទី៣៥របស់ខ្លួនទល់នឹង United នៅទឹកដី Old Trafford ហើយលទ្ធផលឈ្នះនឹងធ្វើឲ្យពួកគេមានសង្ឃឹមខ្ពស់ក្នុងការក្លាយជាជើងឯក Premier League។ បើចាញ់ឬក៏ស្មើ Man City នឹងពិបាកក្នុងការឈ្នះពានត្បិត៣ប្រកួតនៅសល់ Liverpool មានប្រៀបជាងដោយប៉ះសុទ្ធតែក្រុមអន់ និងមធ្យម។
យ៉ាងណាយប់នេះអ្នកគាំទ្រ Liverpool ពិតជាចង់ឃើញ Man City ចាញ់ឬយ៉ាងហោចណាស់ស្មើដើម្បីឲ្យពួកគេអាចបន្តឈរកំពូលតារាង។ Arnold ដែលជាខ្សែការពារឆ្នើមរបស់ហង្សក្រហមក៏អះអាងថារូបគេគាំទ្រ Man Utd ដែរ។
"វាពិតជារឿងអស់សំណើច។ នៅដំណាក់កាលនេះពេលខ្លះអ្នកត្រូវគាំទ្រក្លឹបដែលខ្លួនឯងមិនស្រឡាញ់។ គ្មានអ្វីត្រូវលាក់បាំងទេ Liverpool ពិតជាត្រូវការក្រុមណាដែលអាចជួយពួកយើងបានដោយប្រយោល"។ កីឡាករសញ្ជាតិអង់គ្លេសនិយាយដូច្នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
