OnePlus 7 មានល្បឿនជាងស្មាតហ្វូនផ្សេងៗទាំងអស់

2019-05-06 01:59:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន OnePlus បានបញ្ជាក់នៅថ្ងៃនេះថា OnePlus 7 និង OnePlus 7 Pro ដែលប្រកាសចេញនៅថ្ងៃទី ១៤ ឧសភានេះ នឹងមានបំពាក់ Universal Flash Storage ជំនាន់ចុងក្រោយ 3.0 ដែលអាចឲ្យវាមានដំណើរការលឿនជាងស្មាតហ្វូនកំពូលដទៃនាពេលបច្ចុប្បន្ន។

UFS 3.0 បានប្រកាសចេញដំបូងនៅដើមឆ្នាំ ២០១៨ ដោយអាចជួយឲ្យកម្មវិធីបើកលឿនជាងមុន, ចូលទៅកាន់ File លឿនជាងមុខ ហើយអាចឲ្យហ្គេមបើកលឿនជាងមុនផងដែរ បើប្រៀបនឹង UFS 2.1 ដែលប្រើលើស្មាតហ្វូនកំពូលភាគច្រើន។ ទូរសព្ទដែលប្រើ UFS 3.0 ក៏អាចបើកចេញបានលឿន និងមានសមត្ថភាពទ្រទ្រង់រូបភាព និងវីដេអូទំហំធំ បានដោយងាយទៀតផង។

ស្មាតហ្វូនដែលគេយល់ថាប្រើ UFS 3.0 ដំបូងគេ គឺ Galaxy S10/S10+ និង Galaxy S10e។ ប៉ុន្តែចចាមអារ៉ាមនេះមិនបានក្លាយជាការពិត ដោយ Samsung យកវាដាក់នៅលើ Galaxy Fold ជំនួសវិញ។

រូបរាងលេចធ្លាយរបស់ OnePlus 7 Pro

ដោយ Galaxy Fold ត្រូវបានពន្យារពេលក្នុងការចេញលក់ ហេតុនេះ OnePlus 7 និង OnePlus 7 Pro នឹងក្លាយជាស្មាតហ្វូនតែមួយគត់ក្នុងលោកដែលប្រើ UFS 3.0 មុនគេ និងមានល្បឿនលឿនជាងស្មាតហ្វូនដទៃ៕

ចុចអាន៖

ប្រភព៖ PhoneArena ប្រែសម្រួល៖ សុខហេង