Neymar ទាមទារលក្ខខណ្ឌអស់សាច់ ទើបព្រមទៅ Real Madrid

2019-05-16 06:55:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Real Madrid បានព្យាយាមគ្រប់បែបយ៉ាងមួយរយៈមុន ដើម្បីបានខ្សែប្រយុទ្ធកំពូលរបស់ប្រេស៊ីល Neymar មករួមក្រុមនៅអេស្ប៉ាញ ប៉ុន្តែគ្រប់យ៉ាងមិនទាន់ដំណើរការឡើយ។

ជាក់ស្ដែងនៅថ្មីៗនេះ មានប្រភពបញ្ជាក់ថា Neymar មានលក្ខខណ្ឌច្រើនណាស់ ឱ្យលោក Perez ប្រធានក្លឹប Real Madrid ធ្វើតាម ទើបរូបគេព្រមមកលេងនៅក្រុងម៉ាឌ្រីត។ ក្នុងលក្ខខណ្ឌទាំងអស់នោះរួមមាន៖

១ ចង់បានអាវលេខ៧ ឬលេខ១០ ២ មិនត្រូវលក់ Marcelo ឡើយ ប៉ុន្តែត្រូវលក់ Varane ចេញ ដើម្បីទិញយក Marquinhos មកវិញ ៣ កុំលក់ Casemiro ប៉ុន្តែអាចបញ្ចេញ Marco Asensio បាន ៤ គួរតែទិញ Hazard និង Pogba ឱ្យបាន ដើម្បីបានលេងជុំគ្នា ៥ កុំទិញ Sadio Mane ឬ Kylian Mbappe ឱ្យសោះ

យ៉ាងណាមិញ លក្ខខណ្ឌខាងលើនេះ ហាក់ដូចជាច្រើនពេកនិងពិបាកធ្វើសម្រាប់ក្រុម Real Madrid ណាស់។ ជាក់ស្ដែងទីផ្សារដោះដូរកីឡាករលោក Zidane ជាអ្នកជ្រើសរើសថានរណានៅបន្ដ និងនរណាត្រូវចាកចេញ។ មួយវិញទៀត អ្នកចាត់ការបារាំងរូបនេះ ក៏ហាក់មិនសូវជាពេញចិត្តខ្សែប្រយុទ្ធ Neymar ដែរ។ លោកធ្លាប់បញ្ជាក់ថា ក្រុម Real Madrid ក៏មិនចង់បានកីឡាករប្រេស៊ីលនេះខ្លាំងដែរ៕

ប្រភព៖ Fox Sports Asia ប្រែសម្រួល៖ មុន្នីរម្យ