តើពាក្យចចាមអារ៉ាមដែលថា Hazard នឹងមក Real មានតាំងពីពេលណា?
- 2019-06-07 12:02:16
- ចំនួនមតិ 0 | ចំនួនចែករំលែក 0
តើពាក្យចចាមអារ៉ាមដែលថា Hazard នឹងមក Real មានតាំងពីពេលណា?
ចន្លោះមិនឃើញ
ខ្សែប្រយុទ្ធបែលហ្សិកកីឡាករ Eden Hazard នឹងត្រូវផ្ទេរមកក្លឹប Real Madrid ក្នុងតម្លៃ ១១២លានដុល្លារ ក្រោយពីក្លឹប Chelsea ព្រមព្រៀងរួច នេះបើតាមសារព័ត៌មានធំៗមួយចំនួនចុះផ្សាយ ប៉ុន្តែយ៉ាងណាមិញ ពាក្យចចាមអារ៉ាមនេះ មិនមែនជារឿងថ្មីទេសម្រាប់អ្នកតាមដានបាល់ទាត់។
ការលេចពាក្យដំបូងបំផុតគឺកាលពីខែមេសា ឆ្នាំ២០១៤ បន្ទាប់ពីលោក Zinedine Zidane ដែលកាលនោះនៅជាជំនួយការលោក Carlo Ancelotti បានលើកឡើងថា រូបគាត់ចូលចិត្ត Hazard ខ្លាំងណាស់។ តាមរយៈសម្ដីមួយឃ្លានេះ ធ្វើឲ្យមានលេចពាក្យចចាមអារ៉ាមជាច្រើនពាក់ព័ន្ធនឹង Hazard។
ក្រោយមកពាក្យនេះត្រូវបានស្ងាត់មួយរយៈ រហូតដល់ខែឧសភា ឆ្នាំ២០១៦ ទើបលេចឡើងមួយសារទៀត ក្រោយពី Hazard រ៉ាយរ៉ាប់ថា Zidane ជាកីឡាករល្អជាងគេ (កាលនោះ Zidane ឡើងជាគ្រូបង្វឹកក្លឹប Real Madrid) ប៉ុន្តែពាក្យនេះត្រូវបាត់ម្ដងទៀត បន្ទាប់ពី Hazard សម្រេចបន្តនៅជាមួយ Chelsea។
លុះដល់ខែឧសភា ឆ្នាំ២០១៧ មានល្ហិចល្ហៀងថា Real Madrid ត្រៀម ១២៧លានដុល្លារដើម្បីផ្ទេរយក Hazard ប៉ុន្តែមួយខែក្រោយ Hazard របួសកែងជើង នាំឲ្យពាក្យស្ងប់ស្ងាត់ទៀតទៅ។
លុះមួយឆ្នាំក្រោយមក Hazard បាននិយាយថា ខ្លួនដល់ពេលស្វែងរកអ្វីថ្មីហើយ តែខែធ្នូ ឆ្នាំ២០១៨ ក្លឹប Chelsea បានបន្តកុងត្រា Hazard ដោយផ្ដល់ឲ្យកីឡាកររូបនេះ ៣៨ម៉ឺនដុល្លារ ក្នុងមួយសប្ដាហ៍។
រហូតមកដល់ឆ្នាំ២០១៩ ក្រោយពេលឡើងកាន់តំណែងជាគ្រូបង្វឹក Real Madrid ម្ដងទៀត លោក Zidane បានដាក់ Hazard ជាគោលដៅទី ១ ក្នុងការផ្ទេរចូលក្នុងរដូវកាលថ្មី ខណៈ ថ្មីៗនេះ Hazard បានពន្លយមួយឃ្លាថា ខ្លួននឹងសម្រេចចិត្តពីអនាគតរបស់ខ្លួន ហើយកំឡុងពេលនេះ គេក៏បានសរសើរ Zidane ជាច្រើនសារដែរ៕