ទួរគីខឹងសម្បារនឹងប្រទេសអ៊ីស្លង់ ដែលខ្វះការគោរពចំពោះកីឡាករជម្រើសជាតិរបស់ខ្លួន
- 2019-06-10 14:10:16
- ចំនួនមតិ 0 | ចំនួនចែករំលែក 0
ទួរគីខឹងសម្បារនឹងប្រទេសអ៊ីស្លង់ ដែលខ្វះការគោរពចំពោះកីឡាករជម្រើសជាតិរបស់ខ្លួន
ចន្លោះមិនឃើញ
មន្ត្រីរបស់ប្រទេសទួរគី បានប្រតិកម្មទៅនឹងការទទួលបដិសណ្ឋារកិច្ចរបស់ប្រទេសអ៊ីស្លង់ចំពោះកីឡាករជម្រើសជាតិរបស់ខ្លួន ដែលនឹងលេងប៉ះក្រុមជម្រើសជាតិអ៊ីស្លង់ ក្នុងការប្រកួតជម្រុះនៃពាន UEFA Euro ឆ្នាំ២០២០។
បើតាមសារព័ត៌មានរបស់ប្រទេសទួរគីបានឲ្យដឹងថា ក្រុមកីឡាករត្រូវបានគេឲ្យនៅរង់ចាំរយៈពេលជាច្រើនម៉ោង ក្នុងកន្លែងត្រួតពិនិត្យលិខិតឆ្លងដែន នៃអាកាសយានដ្ឋាន Reykjavik ហើយមិនតែប៉ុណ្ណោះកាតាបរបស់ពួកគេត្រូវបានឆែកឆេរចុះឡើងយ៉ាងច្រើនដង។
មិនត្រឹមតែប៉ុណ្ណឹង រូបថតជាច្រើនបានបង្ហាញឲ្យដឹងថា មានអ្នកកាន់ច្រាសបង្គន់ធ្វើជាមីក្រូហ្វូន កំឡុងពេលប្រធានក្រុមកីឡាករ Emre Belezogluផ្ដល់កិច្ចសម្ភាសន៍ទៅកាន់ក្រុមអ្នកកាសែត។
តាមរយៈទង្វើទាំងនេះ លោក Mevlut Cavusoglu រដ្ឋមន្ត្រីការបរទេសប្រទេសទួរគី បានបង្ហោះក្នុងបណ្ដាញសង្គម Twitter ថា ទង្វើទាំងនេះ ទទួលយកមិនបានទេ ត្រង់ចំណុចការទូត និងមនុស្សធម៌។
សូមរម្លឹកផងដែរថា មកទល់ពេលនេះ ទួរគីកំពុងឈរនៅកំពូលតារាងនៃពូល H ដោយឈ្នះទាំង ៣ប្រកួត៕