ត្រចៀកកាំចាស់មែនទែនពេលអត់ផាត់មុខ បង្ហាញខ្លួននៅព្រលានយន្តហោះ

2019-06-12 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានវត្តមាននៅព្រលានយន្តហោះពេលថ្មីៗនេះ តារាសម្ដែងស្រីជើងចាស់ចិន Zhao Wei បានធ្វើឲ្យអ្នកគាំទ្រដឹងថា គ្មានអ្នកណាអាចគេចផុតពីឥទ្ធិពលនៃពេលវេលាទាំងអស់។

តារាសម្ដែងស្រីរលកមុខចិន Zhao Wei ត្រូវបានគេប្រទះឃើញនៅព្រលានយន្តហោះសៀងហៃ ដើម្បីចេញដំណើរទៅបំពេញការងាររបស់ខ្លួន។ មានវត្តមាននៅទីនេះ តួរឿង “ព្រះនាងយេយេ” ស្លៀកពាក់សាមញ្ញ ដោយបាំងមុខមួយផ្នែកដោយមួក និងម៉ាស។

ទោះបីគេសង្កេតឃើញថា តារាស្រីវ័យ៤៣ឆ្នាំ ខំប្រឹងអោនមុខដើម្បីកុំឲ្យគេមើលឃើញក៏ដោយ ប៉ុន្តែដោយមិនបានផាត់មុខ បូករួមនឹងការងាររវល់ច្រើនទៀតនោះ អ្នកម្ដាយកូន២ហាក់បាក់សម្រស់ខ្លាំង។ ទស្សនិកជនបានបញ្ចេញមតិថា បើធៀបនឹងមិត្តរួមជំនាន់ Zhao Wei ហាក់មិនសូវជារវីរវល់នឹងការថែរក្សារូបភាពរបស់ខ្លួន ដោយអាចចេញក្រៅនៅក្នុងគ្រប់សភាពទាំងអស់ ដោយមិនគិតថាខ្លួនជាតារាល្បីឈ្មោះឡើយ៕