Benitez ចេញសារបកស្រាយពីមូលហេតុនៃការចាកចេញពី Newcastle

2019-07-01 11:22:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការក្លឹប Newcastle United លោក Rafael Benitez បានចេញសំបុត្រមួយក្នុងគោលបំណងអរគុណអ្នកគាំទ្រក្លឹប ក៏ដូចជាបង្ហាញពីចំណាប់អារម្មណ៍ និងមូលហេតុនៃការចាកចេញក្លឹប Premier League ផងដែរ។

សំបុត្រនោះមានខ្លឹមសារថា៖ " [...] ខ្ញុំចង់បន្តនៅជាមួយក្លឹបដែរ ប៉ុន្តែខ្ញុំមិនមែនចង់តែបន្តកុងត្រាទេ ខ្ញុំចង់នៅជាផ្នែករបស់គម្រោងរបស់ក្លឹប។ ជាអកុសល វាសរបញ្ជាក់ឃើញកាន់តែច្បាស់ថា ថ្នាក់ដឹកនាំកំពូលៗរបស់ក្លឹបមិនមានទស្សនៈដូចគ្នាជាមួយនឹងខ្ញុំ... " ។

“ ខ្ញុំមានអារម្មណ៍ក្រៀមក្រំណាស់ ប៉ុន្តែខ្ញុំមិនសោកស្ដាយឡើយចំពោះសេចក្ដីសម្រេចចិត្តរបស់ខ្ញុំ ហើយខ្ញុំមានមោទនភាពទៅនឹងអ្វីដែលយើងសម្រេចបានទាំងអស់គ្នា " ។

គួរបញ្ជាក់ផងដែរថា កុងត្រារបស់លោក Rafael Benitez ជាមួយនឹងក្លឹប Newcastle United បានអស់សុពលភាពហើយត្រឹមថ្ងៃនេះ។ លោកបានដឹកនាំក្លឹបនេះ អស់រយៈពេល ៣រដូវកាល ដោយក្នុងនោះលោកបានជួយឲ្យក្លឹបឈ្នះពានលីគលំដាប់ទី ២ របស់អង់គ្លេស៕

ប្រភព៖ BBC អត្ថបទ៖ សេរី មង្គល