ពានរង្វាន់ពាក់កណ្ដាលអាជីពធំបំផុតនៅកម្ពុជា នឹងរកឃើញម្ចាស់ល្ងាចនេះហើយ

2019-07-06 02:38:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ពាក់កណ្ដាលអាជីពធំបំផុតនៅកម្ពុជា KMH Champions League រដូវកាល២០១៨-២០១៩ នឹងរកឃើញម្ចាស់ជើងឯកនៅល្ងាចនេះហើយ ដោយក្រុម ISI Group ប៉ះក្រុម Pisnoka FC ។

Pisnoka FC ជាក្រុមខ្លាំងមួយដែលចូលលេងពានរង្វាន់នេះតាំងពីដើមមក។ ពួកគេមានបទពិសោធច្រើន រួមជាមួយកីឡាករល្អៗថែមទៀត ទើបអាចយកឈ្នះក្រុមខ្លាំងជាច្រើនកន្លងមក ឈានដល់វគ្គផ្ដាច់ព្រ័ត្រនេះ។ ដោយឡែកសម្រាប់ក្រុម ISI Group វិញ ក៏ដូចគ្នា ពោរពេញដោយកីឡាករមានបច្ចេកទេស ជាពិសេសបរទេសល្អថែមទៀត។ ដូច្នេះហើយការប្រកួតនៅល្ងាចម៉ោង៥នេះ រំពឹងថានឹងក្លាយជាជំនួបជក់ចិត្តមិនខាន។

ដោយឡែកក្រៅពីយកជើងឯកហើយ ក៏មានការប្រកួតដណ្ដើមចំណាត់ថ្នាក់លេខ៣ផងដែរ រវាងក្រុម DownTown Sport ជាមួយក្រុម TN Kandal FC នៅវេលាម៉ោង២រសៀល។ សម្រាប់ប្រាក់រង្វាន់វិញ សម្រាប់ក្រុមលេខ១នឹងទទួលបាន ១៤ ០០០ដុល្លារ ក្រុមលេខ២បាន ៦ ០០០ដុល្លារ ក្រុមលេខ៣បាន ៣ ០០០ដុល្លារ និងក្រុមលេខ៤ បាន ១ ៥០០ដុល្លារ៕

អត្ថបទ៖ មុន្នីរម្យ