ផ្លូវការ! Griezmann ផ្លាស់ទៅកាន់ Barca ហើយ!
- 2019-07-12 13:30:39
- ចំនួនមតិ 0 | ចំនួនចែករំលែក 0
ផ្លូវការ! Griezmann ផ្លាស់ទៅកាន់ Barca ហើយ!
ចន្លោះមិនឃើញ
ខ្សែប្រយុទ្ធបារាំងកីឡាករ Antioine Griezmann បានផ្ទេរទៅកាន់ក្លឹប Barcelona ជាផ្លូវការហើយ នេះបើតាមការប្រកាសនៅតាមបណ្ដាញសង្គមរបស់ក្លឹបកាតាឡាន់មួយនេះ។
ក្នុងការប្រកាសនេះ មិនបានបង្ហាញពីតម្លៃនៃការផ្ទេរនោះទេ ប៉ុន្តែបើតាមសារព័ត៌មាន Goal បានឲ្យដឹងថា កីឡាកររូបនេះត្រូវបាននាំចូលក្នុងតម្លៃ ១៤៣លានដុល្លារ។
ព័ត៌មាននៃការផ្ទេរទៅកាន់ក្លឹប Barcelona នេះ មិនមែនជារឿងថ្មីទេសម្រាប់ពិភពបាល់ទាត់ ដោយហេតុថា មានពាក្យចចាមអារ៉ាមជាច្រើនបានបំផុសបំផុលពេញ បណ្ដាញសង្គម ហើយអ្វីដែលសំខាន់ទៅទៀតគឺ អវត្តមានរបស់ Griezmann ក្នុងការហ្វឹកហាត់ជាមួយ Atletico Madrid នៅប៉ុន្មានថ្ងៃមុននេះ។
រឿងរ៉ាវមួយទៀតគឺ ក្លឹបដែលមានមូលដ្ឋាននៅរាជធានីអេស្ប៉ាញមួយនេះ បានផ្ទេរចូលខ្សែប្រយុទ្ធព័រទុយហ្គាល់កីឡាករ Jao Felix ដោយកីឡាកររូបនេះ យកអាវលេខ ៧ របស់ខ្សែប្រយុទ្ធបារាំងបាត់ទៅហើយ៕