មកមើលអាហារឆ្ងាញ់ៗបុគ្គលិក ញ៉ាំ Free នៅក្រុមហ៊ុន Apple និង Facebook
- 2019-07-11 06:36:55
- ចំនួនមតិ 0 | ចំនួនចែករំលែក 0
មកមើលអាហារឆ្ងាញ់ៗបុគ្គលិក ញ៉ាំ Free នៅក្រុមហ៊ុន Apple និង Facebook
ចន្លោះមិនឃើញ
កង់ទីន ឬ កន្លែងញ៉ាំអាហារនៅក្នុងក្រុមហ៊ុនបច្ចេកវិទ្យាធំៗមួយចំនួន មានទៅដោយអាហារឆ្ងាញ់ៗដែលអាចប្រកួតប្រជែងជាមួយនឹងភោជនីយដ្ឋានល្អៗបាន ប៉ុន្តែចំណុចខុសគ្នាមួយគឺ Free (ឥតគិតថ្លៃ)។ ចង់ដឹងម្ហូបអាហារទំនងឆ្ងាញ់យ៉ាងណាតាមដានដូចខាងក្រោម៖
@ Google ៖ ទីស្នាក់ការកណ្ដាលរបស់ Google ស្ថិតនៅទីក្រុង New York សហរដ្ឋអាមេរិក ដែលបុគ្គលិកមានផ្ដល់ជូនអាហារបីពេលឥតគិតថ្លៃ។ អាហារមានច្រើនជម្រើសដូចជា fast food (បឺហ្គឺរ,នំដំឡូង...), អាហារសម្រន់, ទឹកដោះគោជូរកក និង ភេសជ្ជៈជាដើម។
@ Apple ៖ ទីស្នាក់ការកណ្ដាលរបស់ Apple ស្ថិតនៅទីក្រុង Cupertino រដ្ឋ California។ កន្លែងញ៉ាំអាហាររបស់ក្រុមហ៊ុននេះត្រូវបានឲ្យឈ្មោះថា Caffè Macs ដោយវាមានទីធ្លាទូលាយ ពោរពេញដោយពន្លឺថ្ងៃ និងផ្ដល់ជូនអាហារឥតគិតថ្លៃដល់បុគ្គលិក។ Caffè Macs មានបម្រើមុខម្ហូប ម៉ិកស៊ីកូ, អ៊ីតាលី, ជប៉ុន, អេស្ប៉ាញ និង បារាំង សម្រាប់មុខម្ហូបថ្ងៃត្រង់។ ជាធម្មតានៅពេលព្រឹកតែងមានជាបន្ទះ, នំសូកូឡា, ទឹកផ្លែឈើស្រស់, ការ៉េមច្រើនមុខ និង បង្អែមជាច្រើនទៀត។ ម៉ឺនុយម្ហូបតែងប្ដូរជានិច្ចកាល។
@ Facebook ៖ ថ្មីៗនេះ Facebook បានប្ដូរការិយាល័យទៅកាន់ក្រុងតូចមួយឈ្មោះ Menlo Park រដ្ឋ California ដែលបុគ្គលិកទីនោះអាចទទួលទានអាហារបីពេលដោយឥតគិតថ្លៃនៅកន្លែងញ៉ាំអាហារឈ្មោះ Epic Cafe។ Epic Cafe តែងផ្ដល់ជូនអាហារបែបអាមេរិក និង អាស៊ី ជាចម្បង។ សម្រាប់ភ្ញៀវរបស់ក្រុមហ៊ុនអាចទទួលបានការបញ្ចុះតម្លៃពិសេសពី Epic Cafe។
@ Dropbox ៖ Dropbox មានទីស្នាក់ការកណ្ដាលនៅទីក្រុង San Francisco រដ្ឋ California ដោយមានកង់ទីនឈ្មោះ Tuck Shop។ កង់ទីនដែលមានទំហំប្រមាណ ៤០០ ម៉ែត្រនេះមានផ្ដល់ជូនអាហារច្រើនជម្រើសគ្មានដែនកំណត់ ដោយសុទ្ធជាស្នាដៃរបស់ចុងភៅកំពូលៗ។
@ Twitter ៖ ទីស្នាក់ការកណ្ដាលរបស់ Twitter មានទីតាំងនៅតំបន់ Market Square នៃទីក្រុង San Francisco ដោយនៅទីនោះមានផ្ដល់ជូនអាហារឥតគិតថ្លៃដល់បុគ្គលិក។ ម៉ឺនុយនៃអាហារចែកចេញជាបីដោយមានជា hashtag #comfort, #tenderloin និង @birdfeeder៕