ស៊េរីរថយន្តទំនើបៗ របស់តារាល្បីៗខ្មែរច្រើននាក់ ដែលទើបផ្លាស់ប្ដូរត្រឹមពាក់កណ្ដាលឆ្នាំ ២០១៩

2019-07-16 08:36:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកលើរសនិយម និយមអ្វីៗថ្មីប្លែក និងផ្សំនឹងមានធនធានគ្រប់គ្រាន់ផង គិតត្រឹមពាក់កណ្ដាលឆ្នាំ ២០១៩ នេះ មានសិល្បករ សិល្បការិនីយើងច្រើននាក់ណាស់ បានសាងភាពហ៊ឺហាផ្ទាល់ខ្លួនតាមរយៈការផ្លាស់ប្ដូរ ឬឡើងស៊េរីរថយន្តរៀងខ្លួន ដោយក្នុងនោះ អ្នកខ្លះហ៊ានទិញរថយន្តមានតម្លៃដល់ទៅជាង ២០ម៉ឺនដុល្លារអាមេរិកឯណោះ។ ពួកគេទាំងនោះមាន៖

១.ពេជ្រ សោភា ទិញ Porcher៖ សោភា ដែលមានរថយន្ត Range Rover ពណ៌ខ្មៅស្រាប់ តម្លៃជិត១០ម៉ឺនដុល្លារនោះ បានទិញរថយន្តថ្មីថែម១គ្រឿងទៀត គឺ ម៉ាក Porsche ពណ៌ស តម្លៃជាង២០ម៉ឺនដុល្លារ ។ រថយន្តទាំងពីរនាង ជិះឆ្លាស់គ្នា។ នោះជា ផ្នែកមួយពីការកើបលុយពីស្ពតពាណិជ្ជកម្មធំៗជាច្រើនព្រមៗគ្នា។ ក្រៅពីនេះ សោភា ក៏បាន និងកំពុងកាក់កបជាមួយមុខរបររកស៊ីលក់គ្រឿង Cosmetics ផងដែរ។

២.ករុណា ពេជ្រ៖ បានទិញLexus 570 2017 ឡើង ២០១៩ មួយគ្រឿងជិះ និងទុកជាកាដូសម្រាប់ខ្លួនឯង។ លោក មិនបានបង្ហើបពីតម្លៃពិតប្រាកដទេ ប៉ុន្តែត្រូវបានប៉ាន់ស្មានថា ខ្ទង់ជាង ២០ម៉ឺនដុល្លារអាមេរិកឯណោះ។ ជុំវិញការចាយលុយរាប់សិបម៉ឺនលើរថយន្តនេះ លោក ករុណា ពេជ្រ ក៏ត្រូវមតិមួយចំនួនដែរថា ចាយលុយខ្ជះខ្ជាយខណៈឪពុកកំពុងឈឺធ្ងន់នៅឡើយ។

ចំពោះបញ្ហានេះ អតីតអ្នកចាត់ការផលិតកម្មថោន បញ្ជាក់ថា នោះជាលុយដែលបានពីការលក់ផ្ទះរបស់លោកមួយកន្លែង។ លោកបានបែងចែកលុយនោះ ជា៣ គឺមួយចំណែក សម្រាប់ទុកព្យាបាលឪពុក.. មួយចំណែកសម្រាប់គ្រួសារទាំងមូល.. មួយចំណែកនេះ ដើម្បីខ្លួនឯង...ពោលគឺមិនប្រើប្រាស់លុយ សម្រាប់ទុកព្យាបាលអ្នកមានគុណនោះទេ៕

៣.សួស វីស្សា៖ មិនចាញ់មិត្តរួមអាជីពប៉ុន្មាន គ្រាន់តែចូលឆ្នាំ ២០១៩ ភ្លាម សួស វីសា បានឡើងស៊េរីថយន្តទំនើបម៉ាក Mazda ដ៏ប្រណិតមួយគ្រឿង ចំពោះតម្លៃប្រមាណជាជាង៤ម៉ឺនដុល្លារអាមេរិក។ ក្រៅពីរថយន្តមួយគ្រឿងនេះ សួស វីសា ត្រូវបានគេដឹងថា ក៏បានទិញផ្ទះវីឡាមួយដែរជាមួយលោក ថមមី ជាគូស្នេហ៍។ ផ្ទះនោះ គឺពួកគេទុកជាទ្រនំស្នេហ៍របស់ពួកគេ ដោយគ្រោងនឹងរៀបការតាមប្រពៃណីនាពេលខាងមុខឆាប់ៗ។

៤. ម៉ូលីកា ៖ ជាអ្នកលក់ជើងមាន់អនឡាញ ដែលត្រូវគេពេបជ្រាយ ទីបំផុត ម៉ូលីកា បានផ្ដើមជីវិតទិញ lexus RX 450h ម៉ូលីកា ជិះយ៉ាងរំភើយ កាលពីប៉ុន្មានខែមុន។ រថយន្តតាមសាមីខ្លួនបញ្ជាក់ មានតម្លៃជាង៧ម៉ឺនដុល្លារ អាមេរិកឯណោះ។

៥. លី ឧត្ដម ទិញ Lexus RX330៖ តារាសម្ដែងដែលមានឈាមជ័រជាកូនកាត់ឥណ្ឌា លោក លី ឧត្ដម ដែលល្បីខាងបញ្ចេញភាពភាពសិចស៊ីលើបណ្ដាញសង្គម ទើបតែឡើងស៊េរីរថយន្តទំនើប១គ្រឿងដែរ។ រថយន្តដែល លោក លី ឧត្ដម ឡើងតែទិញនោះ គឺម៉ាកឡិចស៊ីស RX330 ដោយលោកបានទិញក្នុងតម្លៃ៣២០០០ ដុល្លារ៕