ភោជនីយដ្ឋានល្បីម្ហូបឆ្ងាញ់សម្រាប់អ្នកស្រឡាញ់សុខភាព មាននៅទួលគោកហើយ

2019-08-09 07:50:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះ ភោជនីយដ្ឋាន ផាកកាហ្វេ ដែលជាហាងអាហារសុខភាពគ្មានប៊ីចេង ល្បីឈ្មោះនៅកម្ពុជា បានបើកសម្ពោធសាខាថ្មីទី ១៧ របស់ខ្លួនក្នុងតំបន់ទួលគោក គឺ នៅកែងផ្លូវ ៥១៦ និងផ្លូវ ៣១៧ ខណ្ឌទួលគោក រាជធានីភ្នំពេញ (អតីតមជ្ឈមណ្ឌលបណ្ដុះបណ្ដាលធនាគារអេស៊ីលីដា (ក្បែរ TK Avenue)។

ចាប់កំណើតតាំងពីឆ្នាំ ២០០៤ ផាក កាហ្វេ ត្រូវបានគេស្គាល់ថាជាភោជនីយដ្ឋានសុខភាពមួយដែលជាទីពេញនិយមជាខ្លាំង មិនថាក្នុងចំណោមអ្នកធ្វើការ ឬ អ្នកជំនួញនោះទេ។ ភោជនីយដ្ឋានខ្មែរមួយនេះបានឈរជើងរឹងមាំក្នុងទីផ្សារ ជាមួយចំណុចពិសេសជាងគេដោយអាចរក្សារសជាតិម្ហូបឆ្ងាញ់ពិសារ ដោយមិនប្រើប៊ីចេង អាហារចម្អិនមានស្តង់ដារអនាម័យ និងសុវត្ថិភាពត្រឹមត្រូវ និងរក្សាតម្លៃសមរម្យសម្រាប់អ្នកទីក្រុងថែមទៀតផង។

“ បើយើងមានអ្វីដែលប្លែកគេ មានគុណភាព ផ្ដល់សេវាកម្មល្អ និងតម្លៃដែលអាចទទួលយកបាន ខ្ញុំជឿថាយើងនៅតែអាចឈរជើងបាន។ ក្រៅពីយើងមានម្ហូបល្បីប្រចាំហាង ដូចជា មីទាខ្វៃទឹកឃ្មុំ កាហ្វេភ្នំពេញ និងគុយទាវភ្នំពេញ យើងតែងប្រឹងបង្កើតមុខម្ហូបថ្មីៗជាប្រចាំផងដែរ” ។ នេះបើតាមលោក ហេង សេងលី អគ្គនាយកគ្រប់គ្រងទូទៅ ផាក កាហ្វេ មានប្រសាសន៍ក្នុងពិធីបើកសម្ពោធហាងថ្មីកាលពីម្សិលមិញនេះ។

លោក ហេង សេងលី អគ្គនាយកគ្រប់គ្រងទូទៅ ផាក កាហ្វេ

ផាក កាហ្វេសាខាទួលគោកថ្មីនេះ មានលក់ម្ហូបអាហារជាច្រើនមុខសម្បូរបែបសម្រាប់អាហារពេលព្រឹក ពេលថ្ងៃ និងពេលល្ងាច អមដោយបរិយាកាសស្រស់ស្រាយហុំព័ន្ធដោយធម្មជាតិបៃតង មានកន្លែងអង្គុយអំណោយផលសម្រាប់ការជួបជុំញុំាអាហារលក្ខណៈគ្រួសារ ឬ មិត្តភក្ដិ ពិភាក្សាជំនួញ ឬការងារផ្សេងៗ។

ចង់ដឹងនៅ ផាក កាហ្វេ មានម្ហូបឆ្ងាញ់អ្វីខ្លះ សូមចូលទៅហ្វេសប៊ុកផេក Park Cafe៕