Pogba បង្ហើបថា អនាគតខ្លួននៅ Man Utd នៅតែស្រពិចស្រពិលនៅឡើយ
- 2019-08-12 11:15:34
- ចំនួនមតិ 0 | ចំនួនចែករំលែក 0
Pogba បង្ហើបថា អនាគតខ្លួននៅ Man Utd នៅតែស្រពិចស្រពិលនៅឡើយ
ចន្លោះមិនឃើញ
ខ្សែបម្រើក្លឹប Manchester United កីឡាករ Paul Pogba បានប្រាប់សារព័ត៌មាន RMC Sports ថា អនាគតរបស់ខ្លួននៅក្លឹបបិសាចក្រហម នៅតែមិនទាន់ច្បាស់នៅឡើយ ប៉ុន្តែប្ដេជ្ញាលះបង់អ្វីគ្រប់យ៉ាងពេលនៅលេងនៅក្លឹបដែលមានមូលដ្ឋាននៅ Old Trafford។
Pogba ក៏ដូចជា ភ្នាក់ងាររបស់ខ្លួនបានបង្ហើបជាច្រើនដងហើយថា ខ្លួនមានបំណងចាកចេញពី Manchester United នេះបើតាមសារព័ត៌មាន Sky Sports។
កីឡាកររូបនេះបាននិយាយថា៖ " ខ្ញុំតែងតែមានអារម្មណ៍ល្អពេលលេងបាល់។ ខ្ញុំធ្វើអ្វីដែលខ្ញុំស្រលាញ់។ ប៉ុន្តែយើងបានឮពាក្យចចាមអារ៉ាមជាច្រើនហើយ។ មានតែពេលវេលាទេ អាចប្រាប់បាន។ អនាគតរបស់របស់ខ្ញុំនៅតែមានសញ្ញាសួរនៅឡើយ " ។
Pogba បានបន្តថា៖ " ខ្ញុំនៅ Manchester ហើយខ្ញុំកំពុងតែសប្បាយជាមួយមិត្តរួមក្រុមរបស់ខ្ញុំ។ ខ្ញុំតែងតែចង់ឈ្នះប្រកួត ហើយខ្ញុំនឹងលះបង់អ្វីគ្រប់យ៉ាង នៅពេលខ្ញុំលេងលើទីលាន " ៕