ខុនដូ ៦ អគារសង់មិនទាន់ហើយផង លក់ជិតអស់ទៅហើយ

2019-08-19 10:34:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន អ័រគីដេ វិឡា បានធ្វើពិធីបញ្ចប់ការសង់ជាន់ដំបូលអគារចំនួន ៣ នៃគម្រោងខុនដូលំដាប់អន្តរជាតិ «អ័រគីដេ ដឹ រ៉ូយ៉ាល់ ខុនដូមីនីម» (Orkide The Royal Condominium) កាលពីព្រឹកថ្ងៃទី ១៩ ខែសីហា ឆ្នាំ ២០១៩ នេះ។

គម្រោងដ៏ធំនេះ មានអគារកម្ពស់ ១៨ ជាន់ចំនួន ៦ អគារ ដែលមានបន្ទប់ខុនដូសរុប ១៩៩៩ បន្ទប់។ នៅជំុវិញអគារទាំង ៦ មានទីធ្លាសួនច្បារទំហំជាង ៣ ហិចតា ដែលក្នុងសួននោះមានកន្លែងកម្សាន្តរហូតដល់ ១១៩ ដូចជា៖ អាងហែលទឹកខ្នាតធំមួយ ឆ្នេរខ្សាច់ឯកជន សួនកុមារ តំបន់ពិចនិច ផ្លូវរត់ហាត់ប្រាណ ផ្សារទំនើបលំដាប់ថ្នាក់ពិភពលោក រោងកុនខ្នាតធំ ក្លឹបហាត់ប្រាណជាដើម។

នៅក្នុងសុន្ទរកថាមួយ លោកជំទាវ ខៀវ សស៊ីលៀប នាយិកាប្រតិបត្តិទូទៅរបស់ក្រុមហ៊ុនអ័រគីដេ បានមានប្រសាសន៍ថា៖ «គម្រោងនេះបានចាប់ផ្ដើមសាងសង់កាលពី ខែមិថុនា ឆ្នាំ២០១៧ ដែលបានជ្រើសយកក្រុមហ៊ុន CSCEC ជាដៃគូសាងសង់ដោយសារក្រុមហ៊ុននេះមានស្តង់ដារខ្ពស់ក្នុងការសាងសង់ បទពិសោធន៍ការងារច្រើន និងមានកេរ្តិ៍ឈ្មោះល្អ ហើយក៏បានរើសយក Archetype ជាដៃគូគ្រប់គ្រងការសាងសង់»។

លោកជំទាវក៏បាននិយាយថា ខុនដូលំដាប់អន្តរជាតិនេះបានទាក់ទាញភ្ញៀវជាតិ និងភ្ញៀវអន្តរជាតិ ដែលបានសម្រេចការទិញអស់ជាង ៩០% នៃបន្ទប់ខុនដូទាំង ១៩៩៩បន្ទប់។

លោកជំទាវក៏បានបន្តទៀតថា៖ «នៅថ្ងៃនេះ ជាមួយការខំប្រឹងប្រែងពីថ្នាក់គ្រប់គ្រងក្រុមហ៊ុនអ័រគីដេ ការងារទាក់ទងនឹងរចនាសម្ព័ន្ធអគារ A, B និង Cត្រូវបានបញ្ចប់ដោយការចាក់បំពេញជាន់ដំបូល»។

បើចាប់អារម្មណ៍ លោកអ្នកអាចទៅទីតាំងសាងសង់ផ្ទាល់ នៅផ្លូវ ២០០៤ សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬទាក់ទងតាមទូរសព្ទ លេខ 098 733 333៕