ចេញរូបភាពក្រៅឆាកស្ដែងក្នុងរឿង "ដើម្បីកូន" ធ្វើឲ្យមានការចាប់អារម្មណ៍
- 2019-08-20 09:43:12
- ចំនួនមតិ 0 | ចំនួនចែករំលែក 0
ចេញរូបភាពក្រៅឆាកស្ដែងក្នុងរឿង "ដើម្បីកូន" ធ្វើឲ្យមានការចាប់អារម្មណ៍
ចន្លោះមិនឃើញ
ក្រោយពីបានបើកពិធីក្រុងពាលីចេញថតកាលពីថ្ងៃទី ០៨ សីហា នៅពេលនេះ រឿង "ដើម្បីកូន" របស់លោក ហ៊ុយ យ៉ាឡេង កំពុងសម្រុកថត ស្របពេលរូបភាពនៃការថត(រូបក្រៅឆាក) ត្រូវបានទម្លាយចេញកាលពីយប់មិញនេះ ធ្វើឲ្យមានការចាប់អារម្មណ៍យ៉ាងច្រើន។
រូបភាពជាច្រើនសន្លឹកនោះ គឺបរិយាយពីឈុតឆាកតស៊ូរបស់បុរសធាក់ស៊ីក្លូពិកាជើងម្នាក់ដែលមានឈ្មោះថា "គុណ"។ លោក ហ៊ុយ យ៉ាឡេង ដែលបានបញ្ចេញស៊េរីរូបភាពទាំងនេះ បានសរសេរលើគណនីហ្វេកប៊ុកផ្ទាល់ខ្លួនថា"ថ្វីត្បិតតែគុណពិការជើងមែន តែគុណខំប្រឹងណាស់ក្មួយអើយ ខំតត្រុកទាំងយប់ទាំងថ្ងៃ ខំធ្វើការគ្រប់បែបយ៉ាងគ្រប់ទីកន្លែង ក៏ព្រោះតែដើម្បីកូន!”។ នេះជាសម្តីពិតពីមិត្តរួមស៊ីក្លូនៅផ្សារកណ្ដាល។
ក្រោយពីបានធ្វើពិធីក្រុងពាលីសុំសេចក្ដីសុខលើដំណើរថតសាច់រឿងទាំងមូល ក្រុមការងាររបស់ផលិតកម្ម "កថាជ័យ" បានចេញថតនៅថ្ងៃបន្ទាប់ទី ០៩ សីហា។ តាមគម្រោងរឿង "ដើម្បីកូន" នឹងចំណាយពេលពេញ១ខែដើម្បីថត និងពេលខ្លះដើម្បីសម្រួលបច្ចេកទេសឲ្យស្រេចបាច់ មុនអាចដាក់បញ្ចាំងជូនប្រិយមិត្តបានទស្សនាយ៉ាងយូរ នាមុនដំណាច់ឆ្នាំ ២០១៩ នេះ៕