Maddox ទម្លាក់ទឹកមុខ ពេលសួរដល់ Brad Pitt

2019-09-12 07:17:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងអំឡុងពេលស្ថិតនៅសកលវិទ្យាល័យ Yonsei University នៅឯកូរ៉េខាងត្បូង Maddox បាននិយាយទៅកាន់អ្នកកាសែត ក្នុងបទសម្ភាសន៍កម្រមួយជុំវិញជីវិត និងការរស់នៅរបស់ខ្លួន។

ពេលដែលសួរថាបងប្អូនរបស់ខ្លួនទាំង ៥ នាក់ ពេញចិត្តនឹងការផ្ទេរមករៀនឆ្ងាយពីផ្ទះរបស់ខ្លួន ឬអត់នោះ Maddox បានឆ្លើយតបថា ៖ "ហ្នឹងហើយ ខ្ញុំគិតថាអ៊ីចឹងហើយ”។ យ៉ាងណាក្ដី ពេលនិយាយដល់ទំនាក់ទំនងជាមួយឪពុករបស់ខ្លួន Brad Pitt យុវជន ១៨ ឆ្នាំរូបនេះ ហាក់បានប្រែប្រួលទឹកមុខ និងបានឆ្លើយតបខ្លីៗនឹងសំនួរ។

អ្នកកាសែតបានសួរ Maddox ថាឪពុករបស់ខ្លួននឹងមានគម្រោងមកលេងរូបគេនៅ Yonsei ឬអត់ រូបគេបានតបវិញថា ៖ "ខ្ញុំមិនដឹងរឿងហ្នឹង មិនដឹងថាកើតមានរឿងអ្វីឡើយ”។ ក្រោយមកទៀត Maddox បានឆ្លើយនឹងដែលសួរថាទំនាក់ទំនងជាមួយនឹង Brad Pitt បានចប់ដាច់ស្រេចឬយ៉ាង ដែល Maddox បាននិយាយ ៖ "អ្វីដែលបម្រុងនឹងកើតឡើង វានឹងកើតឡើង”។

ប៉ុន្តែ Maddox ប្រែជាស្រស់ស្រាយវិញពេលនិយាយអំពីការចូលរៀននៅសកលវិទ្យាល័យ។ ពេលនេះ Maddox កំពុងរៀនភាសាកូរ៉េ ហើយមិនទាន់ច្បាស់អំពីផែនការអនាគតនៅឡើយទេ។

គួររំលឹកថា បើតាមការចុះផ្សាយរបស់ TMZ បានឲ្យដឹងថា Angelina Jolie បានដាក់ពាក្យលែងលះនឹង Brad Pitt ក្នុងឆ្នាំ ២០១៦ បន្ទាប់ពី Brad Pitt បានវាយ Maddox នៅលើយន្តហោះ ពេលហោះពីបារាំងទៅផ្ទះ។ ប្រភពនិយាយថា Brad Pitt ពេលនោះគឺស្រវឹង។ Brad និងប្រពន្ធបានតឹងសរសៃកដាក់គ្នា ហើយ Brad បានវាយ Maddox ពេលដែល Maddox ចង់សម្របសម្រួលឪពុកម្ដាយខ្លួន។ ដោយសារមិនចង់ឲ្យ Brad ជះឥទ្ធិពលអាក្រក់ដល់កូន ទើប Angelina សម្រាប់ចិត្តចែកផ្លូវគ្នា។ កាលពីថ្មីៗនេះដែរ Brad Pitt បានសារភាពចំពោះ NY Times ថា ធ្លាប់ជាអ្នកប្រមឹកម្នាក់ មុនចែកផ្លូវជាមួយ Angelia៕

ចុចអាន ៖ Kylie Jenner បង្ហោះរូបននលគោកមួយសន្លឹក ផ្ទុះ Instagram

ប្រភព៖ Usmagazine ប្រែសម្រួល៖ សុខហេង