GoPro ធ្វើឲ្យ Vlogger រំជួលចិត្តព្រោះរបស់ថ្មី ២ នេះសុទ្ធតែខ្លាំងៗ

2019-10-02 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រំលងប៉ុន្មានម៉ោងមុននេះ ក្រុមហ៊ុន GoPro បានប្រកាសចេញជាផ្លូវការនូវផលិតផលជំនាន់ចុងក្រោយបង្អស់ ២ ដោយតបស្នងនូវទឹកចិត្តរង់ចាំរបស់អ្នកគាំទ្រជាយូរមកហើយ ដែលនោះគឺជា Hero 8 Black និងមួយទៀតឈ្មោះគឺ MAX។

Hero 8 Black

សមត្ថភាពខ្លាំងៗមានលើ Hero 8 Black មិនសូវខុសពី Hero 7 Black ប៉ុន្មាននោះទេ។ យ៉ាងណាមិញកន្លែងចាក់ដោតខ្លាំងដែលអ្នកធ្លាប់ប្រើ GoPro ទាំង Vlogger ឬ YouTuber ធ្លាប់ចង់បាននោះ ស្រាប់ប្រទៈឃើញនៅលើតួខ្លួន Hero 8 Black នេះតែម្តង ដែលឲ្យឈ្មោះថា “media module” ដោយមានបំពាក់កន្លែងដោត Mic, កន្លែងដាក់ភ្លើងជំនួយ និងអេក្រង់មួយទៀតប្រភេទ LCD (External mic, external video light និង external LCD)។

រីឯផ្នែកសហ្វវែវិញនោះ Hero 8 នឹងបំពាក់ដោយសហ្វវែជំនាន់ថ្មីគឺ HyperSmooth 2.0 (ជំនួយឲ្យវីដេអូកាន់តែមានលំនឹង កាត់បន្ថយកម្រិតញ័រកាន់តែល្អជាងមុន)។ ឯមុខងារ TimeWarp 2.0 ឬ hyperlapse ដែលអ្នកទាំងអស់គ្នាស្គាល់ច្បាស់តាំងពីជំនាន់ Hero មុនៗ ក៏បានអាប់ដែតបន្ថែមខ្លាំងផងដែរ។

Hero 8 បំពាក់ដោយសេនស័រកាមេរ៉ាទំហំ 12MP (image sensor) ថតវីដេអូបាន 4K/60p និង 1080/240p អាចចាប់យកប្លង់ជិតដល់ ៨ដង (8X Slow-motion) និងអាចចាប់សកម្មភាពស្វ័យប្រវត្តិនិងអាចកាត់យកកត្រឹមកន្លែងណាដែលចង់បានឲ្យចេញរាងយឺតៗ (Auto-adjust Speed and Slow-mo)។

GoPro អះអាងថា ឡេនលើ Hero 8 នេះមាំធន់ជាងមុន ២ ដង ហើយអាចធន់នឹងទឹកដល់ជម្រៅ ៣៣ ហ្វីត(10 ម៉ែត្រ) ជាពិសេសមុខងារថ្មី ២ ទើបនឹងឃើញមានគឺ Digital Lenses (ជាកន្លែងកំណត់យក SuperView, Wide, Linear ជាដើម) និង Capture Presets (ជា preset settings សម្រាប់អ្នកប្រើចង់កំណត់យកប្លង់ណាដែលខ្លួនពេញចិត្ត)។

Hero 8

ចំណែក MAX (កាមេរ៉ា ៣៦០ ដឺក្រេជំនាន់ ២) ជាសិស្សច្បង Fusion តែ GoPro បានបិទបញ្ចប់កិច្ចសហការជាមួយ Fusion បាត់ទៅហើយ។ យ៉ាងណាមិញ MAX ក៏បង្កប់នូវរបស់ថ្មីៗលើសពី Hero 8 ទៅទៀតដែលមានដូចជា អេក្រង់ខាងមុខ (ងាយស្រួល Vlog ) ប្រព័ន្ធសម្លេងចាប់បានច្បាស់ ៣៦០ ដឺក្រេ, MAX Superview ជាមួយនឹង HyperSmooth 2.0 ដែល GoPro ប្រឹងប្រែងអភិវឌ្ឃន៍យូរណាស់ហើយ។

MAX

GoPro ក៏បានបើកឲ្យបើកកម្ម៉ង់ទិញផលិតផលទាំង ២ ផងដែរចាប់ពីថ្ងៃទី ១ ខែតុលារហូតដល់ថ្ងៃ ១៥ ខែតុលាឆ្នាំ ២០១៩ តាមរយៈវិបសាយ GoPro ផ្ទាល់ក្នុងតម្លៃ ៣៩៩ ដុល្លារ ចំណែក MAX (កាមេរ៉ា ៣៦០ ដឺក្រេជំនាន់ ២) តម្លៃ ៤៩៩ ដុល្លារនឹងបើកឲ្យទទួលឥវ៉ាន់ថ្ងៃ ២៤ តុលាខាងមុខនេះ៕