មានអ្នកឧបត្ថម្ភខោអាវកាលីបរាប់ភ្លេច BlackPink នៅតែនិយមស្លៀកខោអាវដដែរ

2019-10-02 03:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចគេថាមិនខុសមែន ទោះបីជាមានខោអាវថ្មីច្រើនប៉ុណ្ណាក៏ដោយ ប៉ុន្តែខោអាវដែលស្លៀកហើយ ហើយស្រួលខ្លួននោះ នៅតែជាជម្រើសទី១ជានិច្ច។

ជាមួយនឹងកេរ្តិ៍ឈ្មោះល្បីរន្ទឺដូចសព្វថ្ងៃ ក្រុមចម្រៀងស្រីកូរ៉េ BlackPink ត្រូវបានម៉ាកយីហោជាច្រើនស្ម័គ្រចិត្តឧបត្ថម្ភ គ្រឿងសម្ភារៈរាប់មិនអស់ ដោយនៅក្នុងនោះក៏មានសំលៀកបំពាក់ដូចគ្នា។ យ៉ាងណាក្ដី អ្នកគាំទ្រនៅតែសង្កេតឃើញថា ម្ចាស់បទ Let's Kill This Love ទាំង៤រូបនៅតែនិយមស្លៀកពាក់ខោអាវដដែរ ដោយអ្នកខ្លះមិនត្រឹមតែមួយដងនោះទេ គឺច្រើនដងតែម្ដង។

ដោយស្រីស្អាតទាំង៤ដួង គ្រាន់តែផ្លាស់ប្ដូរវិធីនៃការគួបផ្សំគ្នាប៉ុណ្ណោះ ខោអាវទាំងនេះ ហាក់ប្រែទៅជាខោអាវថ្មីមួយរំពេច។ អ្នកគាំទ្របានសរសើរថា ទោះបីជាខោអាវដដែរក៏ដោយ តែតារាចម្រៀង៤រូបនេះ មិនបានធ្វើឲ្យវាច្រំដែលនោះទេ ពិតជាមានភាពច្នៃប្រឌិតគួរឲ្យស្រលាញ់ណាស់៕