ថាទិញ-លក់រថយន្តទៅខាត ស្មាតហ្វូនខាតកាន់តែធ្ងន់ទៀត ខ្លះដល់ ៧៦ ភាគរយ/ឆ្នាំ

2019-10-08 06:40:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចំណាយថវិកាលើការទិញរថយន្ត ជាមធ្យមតម្លៃនឹងធ្លាក់ចុះទៅវិញប្រមាណ ៤០ ភាគរយក្រោយការប្រើប្រាស់អស់រយៈ ពេល ៣ ឆ្នាំ។ ប៉ុន្តែសម្រាប់តួលេខនៃភាគរយនេះ បើធៀបការចាយលុយលើស្មាតហ្វូនគឺកាន់តែខាតច្រើនជាងនោះថែមទៀត។

យោងតាមរបាយការណ៍ពី Flipsy បានប្រៀបធៀបតម្លៃទិញលក់ស្មាតហ្វូនក្នុងរយៈពេលប៉ុន្មានឆ្នាំចុងក្រោយនេះ។ ដោយផ្អែកតាមម៉ូឌែលនីមួយៗជាមធ្យមស្មាតហ្វូនត្រូវលក់ខាតចន្លោះពី ៣៨ ទៅ ៧៦ ភាគរយត្រឹមការប្រើប្រាស់អស់រយៈពេល ១ ឆ្នាំ។

ការធ្លាក់ចុះតម្លៃរបស់វាក៏ផ្អែកទៅតាមសេរ៊ីនិងស្លាកយីហោ ដោយប្រភពបានឲ្យដឹងថាតម្លៃ iPhone ហាក់ធ្លាក់ចុះទាបជាងគេ ដោយ iPhone X ក្រោយពេលចេញផ្សាយបានមួយឆ្នាំធ្លាក់ថ្លៃប្រមាណ ៤៥ ភាគរយនៅពេលលក់ចេញទៅវិញ ខណៈ Galaxy S8 របស់ Samsung ខាត ៥៧ ភាគរយ និង G6 របស់ LG ខាតធ្ងន់បំផុតដល់ទៅ ៧៦ ភាគរយឯណោះធៀបនឹងតម្លៃទិញចូលដំបូងក្រោយប្រើបានមួយឆ្នាំ។

យ៉ាងណាមិញការថមថយតម្លៃនេះ ក៏ប៉ះពាល់តែប្រភេទអតិថិជននិយមប្តូរសេរ៊ីទូរសព្ទតែប៉ុណ្ណោះ ផ្ទុយទោវិញសម្រាប់អតិថិជនដែលប្រើដាំខ្ទឹមគឺមិនបារម្ភពីការរងផលប៉ះពាល់នោះឡើយ៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា