ក្រែងចង់ជួបផ្ទាល់! ម្ដងនេះដល់វេនប្រុសស្អាតទាំង៣ ត្រកូល "សុវត្ថិ"ម្ដងហើយ

2019-10-11 09:22:15
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីតារាល្បីៗជាច្រើនដួង បានចូលខ្លួនបន្តបន្ទាប់មកអង្រួនឆាកក្នុងកម្មវិធីប្រគំតន្ត្រីភេសជ្ជៈ Boostrong Music On Fire នៅស្ទូឌីយោភីអិនអិនជារៀងរាល់សប្ដាហ៍នោះ ឥឡូវនេះមានដំណឹងថា ដល់វេនប្រុសស្អាតទាំង៣ កូនរបស់លោក ព្រាប សុវត្ថិ ម្ដងហើយ។

បើមិនមានអ្វីផ្លាស់ប្ដូរទាំងតក់ក្រហល់ទេ ពួកគេទាំង៣ នឹងមានវត្តមានលើឆាកតន្ត្រីរបស់ ភីអិនអិន នៅស្អែកនេះ ដែលនឹងធ្វើឲ្យពេលវេលាសម្រាកចុងសប្ដាហ៍របស់អ្នកកាន់តែអស្ចារ្យ ហ៊ោទៅតាមចង្វាក់ភ្លេង ក្រោមសំនៀងរួមគ្នារបស់តារាតំណក់ឈាមរបស់កំពូលតារាចម្រៀងលោក ព្រាប សុវត្ថិ ទាំង៣រូប។ តាមព័ត៌មាន

តារាចម្រៀងដ៏ស្រស់សង្ហាទាំង៣ ដែលស្ទីលសិល្បៈទាន់សម័យក្នុងស្រទាប់យុវវ័យ ក៏បានត្រៀមរួចរាល់ជាស្រេចនូវបទចម្រៀងល្បីៗ ពីរោះៗញាក់កន្ត្រាក់អារម្មណ៍របស់ពួកគេ អមទៅដោយក្បាច់រាំយ៉ាងពិសេសថែមទៀតផង សម្រាប់ផ្ដល់ជូនទៅអ្នកគាំទ្ររបស់ពួកគេ។

តាមគ្រប់គ្រងកម្មវិធីកម្សាន្តរបស់ទូរទស្សន៍ខាងលើ បានឲ្យដឹងថា កូនប្រុសលោក ព្រាប សុវត្ថិ នៅមានការសម្ដែងShow រាំជក់ចិត្ត ជក់ភ្នែក ទៅតាមចង្វាក់ភ្លេងលាន់លឺពេញផ្ទៃឆាកផងដែរ ដើម្បីញុំាងឱ្យបរិយាកាសកម្មវិធីតន្ត្រីទាំងមូល កាន់តែមានភាពពុះកញ្ជ្រោលទៅដល់អារម្មណ៍ទស្សនិកជនដែលបានចូលរួមទស្សនាដោយផ្ទាល់ក្នុងស្ទូឌីយ៉ូ ក៏ដូចជាប្រិយមិត្តដែលទស្សនាតាមកញ្ចក់ទូរទស្សន៍។

នៅមានទៀត ទន្ទឹមគ្នានេះដែរ ក៏មានការចូលរួមបកស្រាយ ចម្រៀងពីរោះៗបន្តទៀត ពីសំណាក់តារាស្រី សម្បុរស្រអែមស្រស់ ឈិន ម៉ានិច ថែមទៀត ដែលកញ្ញានឹងមកកំដរលោកអ្នកជាមួយនឹងសំឡេងដ៏ស្រទន់របស់កញ្ញា និងរួមទាំងតារាប្រុសស្រីជាច្រើនដួងទៀត។

សូមកុំភ្លេចចូលរួមទស្សនាការបកស្រាយបទចម្រៀង ក៏ដូចជាការសម្ដែងShow ពិសេសៗពីវត្តមានតារាៗល្បីៗខាងលើ នៅក្នុងកម្មវិធីប្រគំតន្ត្រីភេសជ្ជៈ Boostrong Music On Fire ដោយផ្ទាល់ និងនៅលើកញ្ចក់ទូរទស្សន៍ភីអិនអិន នៅថ្ងៃសៅរ៍ ទី ១២ ខែ តុលា ឆ្នាំ ២០១៩ វេលាម៉ោង ៤ និង ៣០ នាទីរសៀលតទៅ។

បន្ថែមពីនេះទៀត កម្មវិធីនៅតែបន្តស្វែងរកម្ចាស់រង្វាន់ ទឹកប្រាក់២០ម៉ឺនរៀល ដល់មាស១តម្លឹង នៅចុងបញ្ចប់នៃកម្មវិធីជាមួយនឹងហ្គេម Boostrong តេឈ្នះលុយ ដោយគ្រាន់តែតាមដានទស្សនាការប្រគំតន្ត្រី ហើយធ្វើតាមការណែនាំរបស់ពិធីករជាការស្រេច៕