អតីតជម្រើសជាតិបារាំងប្ដឹង PSG ទារ ៩លានដុល្លារ រឿងដាក់ឲ្យលេងតែ ១ប្រកួត
- 2019-10-19 23:35:12
- ចំនួនមតិ 0 | ចំនួនចែករំលែក 0
អតីតជម្រើសជាតិបារាំងប្ដឹង PSG ទារ ៩លានដុល្លារ រឿងដាក់ឲ្យលេងតែ ១ប្រកួត
ចន្លោះមិនឃើញ
អតីតខ្សែប្រយុទ្ធក្លឹប Paris Saint-Germain កីឡាករ Hatem Ben Arfa បានដាក់ពាក្យបណ្ដឹងទៅកាន់ក្លឹបយក្សបារាំងនេះ ទារប្រាក់សងជំងឺចិត្តចំនួនជាង ៩លានដុល្លារ ក្រោយពីបានលេងតែមួយប្រកួតគត់កំឡុងខែមេសា ឆ្នាំ២០១៧ ដល់ខែមិថុនា ឆ្នាំ២០១៨។
តាមពិតទៅកីឡាកររូបនេះអាចរកបានជាង ៧លានដុល្លារក្នុងមួយឆ្នាំ ដោយក្នុងកុងត្រានោះបានតម្រូវឲ្យមកហ្វឹកហាត់ឲ្យទាន់ពេលវេលា និងមិនឲ្យនិយាយអាក្រក់ពីក្លឹប នេះបើតាម L'equipe។
កីឡាកររូបនេះបានដាក់ពាក្យប្ដឹង PSG ចំនួន ២ករណី៖
ករណីទី១៖ ទាមទារយកតែជាង ១.២ដុល្លារប៉ុណ្ណោះ ចំពោះប្រាក់សងជំងឺចិត្តទាក់ទងនឹងការប៉ះពាល់ផ្លូវចិត្ត និងសីលធម៌។
ករណីទី២៖ ទាមទារយកជាង ៩លានដុល្លារ ដោយសារតែខាងក្លឹបមិនដាក់ខ្លួនចូលលេងក្នុងការប្រកួត។
PSG ឆ្លើយតបថា Ben Arfa អត់បានចូលលេង ដោយសារតែគេមិនបានបង្ហាញទម្រង់លេងល្អក្នុងពេលហ្វឹកហាត់។ ប៉ុន្តែសាមីខ្លួនអះអាងថា សូម្បីតែខ្សែប្រយុទ្ធ Neymar ក៏ភ្ញាក់ផ្អើលនឹងទម្រង់លេងរបស់គេដែរ។
ក្នុងពេលនេះដែរ Ben Arfa គឺជាកីឡាករដែលគ្មានក្លឹប ក្រោយពីចាកចេញពី ក្លឹបបារាំង Rennes។ កីឡាកររូបនេះធ្លាប់លេងឲ្យ PSG ចំនួន ២រដូវកាល (២០១៦-២០១៨)។ កាលពីនៅ PSG គេរកបានតែ ៤គ្រាប់ប៉ុណ្ណោះ ក្នុង៣២ប្រកួត ប៉ុន្តែគេមិនបានលេងពេញមួយរដូវកាល ២០១៧/១៨៕