ជប៉ុន យល់ព្រមជួយ NASA រឿងមួយ ក្នុងគម្រោងបញ្ជូនមនុស្សទៅភពព្រះចន្ទ
- 2019-10-21 08:38:32
- ចំនួនមតិ 0 | ចំនួនចែករំលែក 0
ជប៉ុន យល់ព្រមជួយ NASA រឿងមួយ ក្នុងគម្រោងបញ្ជូនមនុស្សទៅភពព្រះចន្ទ
ចន្លោះមិនឃើញ
រដ្ឋាភិបាលជប៉ុន កាលពីថ្ងៃ១៧ ខែតុលា ឆ្នាំ២០១៩កន្លងទៅ បានយល់ព្រមជួយអង្គការ NASA ក្នុងគម្រោងបញ្ជូនមនុស្សទៅភពព្រះចន្ទក្នុងឆ្នាំ២០២៤ ឬហៅថា «កម្មវិធី Artemis»។
តាមរយៈនេះ ជប៉ុន នឹងជួយ NASA សាងសង់ស្ថានីយអវកាស Lunar Gateway នៅគន្លងភពព្រះចន្ទ។ ស្ថានីយនេះ នឹងបម្រើដល់ការស្នាក់នៅ និងជាការិយាល័យរបស់អវកាសយានិក។ ជាពិសេស ជប៉ុននឹងផ្តល់នូវឧបករណ៍ប្រព័ន្ធគាំទ្រដល់ការរស់នៅរបស់អ្នកអវកាស ម៉ាស៊ីនត្រជាក់ និងអាគុយជាដើម។
លោក Yoshiyuki Kasai ប្រធានគណៈកម្មាធិការគោលនយោបាយអវកាសជាតិជប៉ុន បានថ្លែងក្នុងសន្និសីទសារព័ត៌មានថា៖ «យើងនឹងបញ្ជាក់ពីបំណងរបស់យើង នៅដំណាក់កាលដើមដំបូង ដូច្នេះ យើងអាចពង្រឹងនូវទំនាក់ទំនងដ៏ជឿជាក់របស់យើងជាមួយអាមេរិក តាមរយៈការសម្រេចចិត្តនេះ។ យើងរំពឹងថា អ្នកអវកាសជប៉ុន នឹងអាចចូលរួមក្នុងការធ្វើដំណើរទៅភពព្រះចន្ទផងដែរ»៕