ពិបាកពេក Klopp បបួល Aston Villa ទៅប្រកួតនៅកាតាជាមួយគ្នា
- 2019-11-07 07:12:41
- ចំនួនមតិ 0 | ចំនួនចែករំលែក 0
ពិបាកពេក Klopp បបួល Aston Villa ទៅប្រកួតនៅកាតាជាមួយគ្នា
ចន្លោះមិនឃើញ
Jurgen Klopp បាននិយាយបែបលេងសើចថាចង់បបួលក្រុម Aston Villa ទាំងមូលទៅប្រកួតនៅប្រទេសកាតា ដើម្បីដោះស្រាយបញ្ហាកាលវិភាគរបស់ខ្លួននៅពាន League Cup។
Liverpool ត្រូវបង្ខំចិត្តរៀបចំក្រុមពីរដាច់ដោយឡែកពីគ្នាដោយសារតែការប្រកួត League Cup និង FIFA Club World Cup ខែក្រោយខុសគ្នាត្រឹម២៤ម៉ោងប៉ុណ្ណោះ ខណៈពួកគេត្រូវធ្វើដំណើរលើចម្ងាយផ្លូវជាង១ម៉ឺនគីឡូម៉ែត្រដើម្បីហោះទៅប្រទេសកាតា។
ក្រុមរហស្សនាម The Reds នឹងប៉ះ Aston Villa វគ្គ៨ក្រុម ថ្ងៃទី១៧ ខែធ្នូនៅប្រទេសអង់គ្លេស បន្ទាប់មកត្រូវលេងវគ្គពាក់កណ្ដាលផ្ដាច់ព្រ័ត្រ Club World Cup នៅប្រទេសកាតា១ថ្ងៃបន្ទាប់។
មែនទែនទៅក្រុមលោក Klopp បានស្នើឲ្យមានការលើកពេលប្រកួតសម្រាប់ពាន League Cup ដែរដើម្បីផ្ដល់លទ្ធផលឲ្យ Liverpool លេងពាន Club World Cup តំណាងឲ្យប្រទេសអង់គ្លេស និងទ្វីបអឺរ៉ុប ប៉ុន្តែទីបំផុតគណៈកម្មការប្រកួតនៅតែមិនព្រមតាមសំណើ៕