ពិធីករប្រុសចិន ត្រូវគំរាមសម្លាប់ព្រោះត្រូវសង្ស័យប៉ះពាល់ Taylor Swift
- 2019-11-14 02:40:00
- ចំនួនមតិ 0 | ចំនួនចែករំលែក 0
ពិធីករប្រុសចិន ត្រូវគំរាមសម្លាប់ព្រោះត្រូវសង្ស័យប៉ះពាល់ Taylor Swift
ចន្លោះមិនឃើញ
ពិធីករទូរទស្សន៍ប្រុសចិន Chen Zheng Fei កំពុងក្លាយជាផ្ទាំងស៊ីបរបស់ទស្សនិកជនជាច្រើន ក្រោយពេលក្នុងវីដេអូមួយត្រូវគេសង្ស័យថា លោកបានព្យាយាមប៉ះពាល់រាងកាយរបស់កំពូលតារាចម្រៀងស្រី Taylor Swift។
កាលពីយប់ថ្ងៃទី១២ ខែវិច្ឆិកាមុននេះ បណ្ដាញព័ត៌មាន Sina បានរាយការណ៍ថា តារាចម្រៀងស្រីលំដាប់ A អាមេរិក Taylor Swift បានប្រព្រឹត្តកម្មវិធី ប្រគំតន្ត្រីដើម្បីផ្សព្វផ្សាយអាល់ប៊ុម Lover ថ្មីរបស់នាង នៅខេត្ត Guangzhou ប្រទេសចិន។
កម្មវិធីនេះ ភ្លាមៗបានក្លាយជាទីចាប់អារម្មណ៍របស់មនុស្សជាច្រើន ក្រោយពេលនៅក្នុងវីដេអូមួយចំនួន គេសង្កេតឃើញថា លោក Chen Zheng Fei ដែលជាពិធីករនៃកម្មវិធីនោះ បានព្យាយាមបន្លំប៉ះខ្លួនប្រាណរបស់ម្ចាស់បទ You Belong With Me។
ក្រោយពេលវីដេអូនេះត្រូវបានបង្ហោះ លើបណ្ដាញសង្គម អ្នកគាំទ្ររបស់ Taylor Swift បានចូលគណនីបណ្ដាញសង្គមរបស់ប្រុសស្អាតខាងលើដើម្បីរិះគន់លោក ដោយថែមមានអ្នកខ្លះខឹងដល់ថ្នាក់គំរាមសម្លាប់លោកទៀតផង។
ក្រោយពេលរងសំពាធខ្លាំងពេកពីទស្សនិកជន ប្រុសស្អាតខាងលើបានចេញមុខបកស្រាយថា៖ “ខ្ញុំសូមទោសអស់ពីចិត្ត ដែលបានក្លាយជាទីចាប់អារម្មណ៍បែបនេះ។ ដោយសារតែចង់ឲ្យកម្មវិធីប្រព្រឹត្តឡើងដោយរលូន និងចង់ឲ្យ Taylor Swift សុវត្ថិភាពផងនោះ ខ្ញុំបានមានសកម្មភាពខ្លះមិនសមរម្យ។ ជាថ្មីម្ដងទៀត ខ្ញុំសូមទោស Taylor និងអ្នកគាំទ្ររបស់នាងទាំងអស់ និងសង្ឃឹមថា អ្នកទាំងអស់គ្នាអាចលើកលែងឲ្យខ្ញុំ”។
យ៉ាងណាក្ដី មានអ្នកគាំទ្រមួយចំនួនបានបង្ហោះរូប ហើយបានបង្ហាញឲ្យឃើញថា លោកមិនបានប៉ះដល់រាងរបស់ស្រីស្អាតវ័យ ២៩ឆ្នាំនោះឡើយ៕