ល្ហិចល្ហៀងថា អតីតគ្រូ Man Utd នឹងមកដឹកនាំក្លឹប Everton
- 2019-11-25 12:47:36
- ចំនួនមតិ 0 | ចំនួនចែករំលែក 0
ល្ហិចល្ហៀងថា អតីតគ្រូ Man Utd នឹងមកដឹកនាំក្លឹប Everton
ចន្លោះមិនឃើញ
នៅក្នុងថ្ងៃនេះដែរ សារព័ត៌មានធំៗរបស់អង់គ្លេសចុះព្រោងព្រាតថា អ្នកចាត់ការទូទៅក្លឹប Everton លោក Marco Silva អាចនឹងត្រូវបណ្ដេញចេញមុនការប្រកួតប៉ះនឹងក្លឹប Leicester នៅថ្ងៃអាទិត្យសប្ដាហ៍នេះ។
ទន្ទឹមនឹងនេះដែរ បើតាមពាក្យចចាមអារ៉ាមមួយចំនួនបានឲ្យដឹងថា អតីតអ្នកចាត់ការក្លឹប Manchester United លោក David Moyes កំពុងតែស្ថិតក្នុងបញ្ជីឈ្មោះបេក្ខជនដែលនឹងជំនួសលោក Silva។ ជាមួយគ្នានេះដែរ អ្នកចាត់ការក្លឹប AFC Bournemouth ក៏ស្ថិតក្នុងបញ្ជីឈ្មោះនេះដែរ។
គួររម្លឹកផងដែរថា លោក Moyes ធ្លាប់ដឹកនាំក្លឹប Everton ជាង ១០ឆ្នាំ អំឡុង ២០០២ ដល់ឆ្នាំ២០១៣ ខណៈលោក Howe ធ្លាប់ក្នុងបញ្ជីឈ្មោះបេក្ខជនដែលបម្រុងនឹងតែងតាំងធ្វើជាអ្នកចាត់ការក្លឹប Everton។
Everton នៅពេលនេះដែរ កំពុងតែឈរនៅលេខ ១៥ នៃតារាងរបស់លីគកំពូលអង់គ្លេស៕