Apple ត្រូវបានគេព្យាករណ៍ថានឹងឡើងមកលេខ ២ វិញនៅត្រីមាសទី ៤ ឆ្នាំ ២០១៩

2019-12-05 01:25:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ទិន្នន័យស្រាវជ្រាវចុងក្រោយបង្អស់របស់ TrendForce បានសម្រេចចេញលទ្ធផលព្យាករណ៍ទុកជាមុនថាក្រុមហ៊ុន Apple នឹងអាចរំកិលឡើងមកឈរនៅលេខ ២ វិញនាត្រីមាសទី ៤ ឆ្នាំ ២០១៩ នេះ បន្ទាប់ពីត្រូវធ្លាក់ទៅលេខ ៣ កាលពីត្រីមាសទីមុន។

នៅត្រីមាសទី ៣ ក្រុមហ៊ុនយក្សកូរ៉េខាងត្បូង Samsung បានក្តោបក្តាប់ចំណែកទីផ្សារ ២០,៨ ភាគរយនាំមុខគេនៅកំពូល ខណៈ Huawei ទាញ Apple ឲ្យធ្លាក់មកលេខ ៣ ដោយខ្លួនយកបាន ១៨ ភាគរយ និងក្រុមហ៊ុនអាមេរិកបាន ១២,៤ ភាគរយប៉ុណ្ណោះ។ នៅចំណាត់ថ្នាក់ Top 6 មានក្រុមហ៊ុនប្រទេសចិនដល់ទៅ ៤ ដូចជា Huawei, Oppo, Xiaomi និង Vivo ឈរបន្តកន្ទុយគ្នា។

តាមរយៈការព្យាករណ៍នៅត្រីមាសចុងក្រោយឆ្នាំនេះ ប្រភពបានឲ្យដឹងថា Apple នឹងឡើងមកលេខ ២ វិញ ដោយផ្អែកតាមការលក់នៃ iPhone 11, iPhone 11 Pro/11 Pro Max ដែលកំពុងទទួលបានការពេញនិយម។ Huawei នឹងធ្លាក់មកសល់ត្រឹម ១៤,៩ ភាគរយ ស្របពេល Apple រំពឹងឡើង ១៨,៧ ភាគរយតាមកាន់តែកៀក Samsung មាន ២០,១ ភាគរយ៕

អានអត្ថបទ:

ប្រភព៖ techmoblog ប្រែសម្រួល៖ កៅ រក្សា