ស្នាដៃទី២របស់ផលិតកម្ម Galaxy រឿង "កុំងាកក្រោយ" ដ៏រន្ធត់ព្រឺព្រួចចេញ Trailer ហើយ!

2019-12-17 08:59:16
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីស្ងប់ស្ងាត់មួយរយៈក្រោយពីបញ្ចេញរឿងទី១ "កំពូលល្ងង់នៅអាស៊ី" នៅពេលនេះ ផលិតកម្ម Galaxy របស់ឧកញ៉ា ឡេង ណាវ៉ាត្រា បានបញ្ចេញស្នាដៃទី២ទៀតហើយ គឺរឿង "កុំងាកក្រោយ" ដែលជាស្នាដៃដឹកនាំរឿងរបស់ រ៉ូណាន ចាន់ណា។

នេះជារសជាតិថ្មីរបស់ផលិតកម្ម ដែលរឿងទី១ជាប្រភេទរឿងកំប្លែងសើចសប្បាយ។ ប៉ុន្តែរឿងទី២នេះវិញ គឺប្រភេទរឿងភ័យរន្ធត់ ព្រឺព្រួច បើនៅម្នាក់ឯងស្ទើរមិនចង់ហ៊ានមើល។ រឿងនេះ គ្រោងនឹងចាក់បញ្ចាំងនៅថ្ងៃទី ២៦ ខែធ្នូ ២០១៩នេះ។ បើតាមលោក យឹម តាស្រង់ អ្នកចាត់ការទូទៅរបស់ផលិតកម្មបានឲ្យដឹងថា "កុំងាកក្រោយ" គ្រោងនឹងចាក់បញ្ចាំងនៅទូទាំងប្រទេសកម្ពុជា ក្នុងពេលវេលាជាមួយគ្នាតែម្ដង។

តាមកាលវិភាគ ក្រៅពីនៅភ្នំពេញ បងប្អូនប្រិយមិត្តនៅតាមបណ្ដាខេត្តដូចជា បាត់ដំបង-សៀមរាប-ព្រះសីហនុ-បន្ទាយមានជ័យ-ប៉ោយប៉ែត-តំបន់អ្នកលឿង-ស្វាយរៀង និងខេត្ត កំពង់ចាម ក៏អាចទស្សនាព្រមៗគ្នាដែរ។

បន្ទាប់ពីបញ្ចេញវីដេអូ Trailer រឿងនេះ បាន និងកំពុងទាក់ទាញការចាប់អារម្មណ៍ ដោយក្នុងនោះគេបានឃើញចំនួនអ្នកចូលទៅមើល Trailer នៅទំព័រហ្វេសប៊ុករបស់ផលិតកម្មរាប់ម៉ឺន និងចែករំលែកបន្តឲ្យគ្នារាប់ពាន់ដងឯណោះ។