លង់ហើយ! ម៉ានិតសង្ហាខ្លាំងយប់មិញក្នុងនាមជាអ្នកតំណាងប្រែនសំលៀកបំពាក់ដ៏ល្បីក្នុងស្រុកមួយ

2019-12-22 07:18:33
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីល្ងាចម្សិលមិញនេះ តារាចម្រៀង និងជាអ្នកនិពន្ធសៀវភៅវ័យក្មេងដ៏ល្បីឈ្មោះ លោក ម៉ានិត បានលេចមុខយ៉ាងស្រស់សង្ហា ក្នុងហាងសម្លៀកបំពាក់ប្រេនខ្មែរម៉ាក YCO ។ លើកនេះខុសពីសព្វដងដែលលោកអញ្ជើញមកហាងនេះជាអតិថិជនធម្មតា ដោយនេះជាឱកាសដ៏ពិសេសដែលហាងសំលៀកបំពាក់ខាងលើរៀបចំកម្មវិធីប្រកាសជាផ្លូវការ នូវតារាតំណាងម៉ាកសំលៀកបំពាក់ខ្លួន គឺ លោក ម៉ានិត។

ក្នុងឱកាសនោះ ម៉ានិត បានរៀបរាប់យ៉ាងរំភើបថា លោកពិតជារីករាយ និងមានកិត្តិយសដែលត្រូវបានហាងប្រេនសំលៀកបំពាក់របស់ខ្មែរដ៏ល្បីឈ្មោះនេះ ជ្រើសរើសជាអ្នកតំណាងផ្សព្វផ្សាយផលិតផល ព្រោះលោកក៏តែងគាំទ្ររាល់ផលិតផលរបស់ហាង YCO នេះជាហូរហែកន្លងមកដែរ។

ស្រដៀងគ្នានេះដែរ លោក អ៉ី ហុក សហស្ថាបនិក ហាងសំលៀកបំពាក់ម៉ាក YCO ក៏បានឲ្យដឹងដែរថា ៖ « យើងមើលឃើញពីថា ម៉ានិត មិនត្រឹមតែជាតារាចម្រៀង Original ម្នាក់ដ៏លេចធ្លោទេ តែលោកក៏ជាសិល្បករ និងអ្នកនិពន្ធដ៏មានទេពកោសល្យគួរឲ្យសរសើរ និងជាគំរូល្អរបស់យុវជនសម័យថ្មី។ ហ្វាសសិនរបស់ ម៉ានិត ស្របគ្នានឹងម៉ូដសំលៀកបំពាក់របស់យើង ហើយបន្ទាប់ពីយើងជជែក យើងរកឃើញថា យើងមានឆន្ទះដូចគ្នាដែលចង់ជំរុញឲ្យមានការទទួលស្គាល់ប្រេនក្នុងស្រុករបស់ខ្មែរ»។

លោក អ៉ី ហុក សហស្ថាបនិក ហាងសំលៀកបំពាក់ម៉ាក YCO

« អ្វីដែលយើងចង់ឃើញ គឺ បងប្អូនខ្មែរយើងគ្រប់គ្នានោះ អាចពាក់សំលៀកបំពាក់ប្រេនខ្មែរ ដោយមោទនភាព អាចប្រើប្រាស់ម៉ាកផលិតផលខ្មែរដ៏មានគុណភាព មិនចាញ់ផលិតផលបរទេសឡើយ ហើយតម្លៃក៏សមស្របសម្រាប់គ្រប់គ្នា»។ លោកបញ្ជាក់បន្ថែម។

ឆ្លៀតឱកាសនេះ លោកក៏បានថ្លែងអំណរគុណដល់បងប្អូនដែលតែងតែគាំទ្រ YCO កន្លងមក ដែលចាប់ពីថ្ងៃនេះតទៅរហូតដល់បំណាច់ឆ្នាំ YCO ទាំងពីរសាខាមានផ្តល់ជូននូវប្រូម៉ូសិនចុះតម្លៃចាប់ពី ៣០% រហូតដល់ ៦០%។

YCO គឺជាប្រេនដើមខ្មែរបង្កើតក្នុងស្រុក ដែលផ្តល់ជូននូវផលិតផលជាច្រើនជម្រើស ដូចជា សំលៀកបំពាក់ កាបូប ស្បែកជើង និង ហ្វាសសិន Accessories យ៉ាងសម្បូរបែប ប្រកបដោយគុណភាពខ្ពស់ សម្រាប់ទាំងបុរស ស្រី និងមនុស្សគ្រប់វ័យ។ រាល់ផលិតផលរបស់ YCO ត្រូវបានពិនិត្យ គុណភាពយ៉ាងដិតដល់ មុនមកដល់ដៃអតិថិជន ដោយឈរលើកគោលការណ៍ ផ្ដោតការយកចិត្តទុកដាក់លើគុណភាពជាចម្បង ដើម្បីរក្សាឲ្យបាននូវទំនុកចិត្តអតិថិជន ជាមួយតម្លៃសមរម្យ។

បច្ចុប្បន្ន ហាងសំលៀកបំពាក់ YCO មាន ២ សាខា ៖

សាខាទី ១៖ អគារលេខ ៥០, តាមបណ្តោយផ្លូវជាតិលេខ ១ (ជិតបុរីប៉េងហួតបឹងស្នោរ), 099 988 660 ។
សាខាទី ២៖ អគារលេខ ២៥៦ ផ្លូវលេខ ៦៣ (ផ្លូវត្រសក់ផ្អែម) , 070 988 660 ។

សម្រាប់ព័ត៌មានបន្ថែមសូមចូលទៅកាន់ ៖