មកមើលដំណើរការទិញឡាន Bugatti Chiron ៣ឆ្នាំទើបផលិតរួច មានតែមួយក្នុងលោក (វីដេអូ)

2019-12-31 03:28:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែចូលចិត្តប្រមូលទិញនូវរថយន្តពិសេសៗដាច់គេដាក់ក្នុងឃ្លាំងរបស់ខ្លួននោះ លោក Manny Khoshbin ដែលជាសេដ្ឋីអចលនទ្រព្យមួយរូបនៅអាមេរិក បានធ្វើការកុម្ម៉ង់ជាពិសេសចំពោះរថយន្ត Bugatti Chiron កាលពីឆ្នាំ ២០១៦។

លោក Manny Khoshbin

រថយន្ត Bugatti Chiron ដែលអ្នកប្រមូលទិញវត្ថុមានតម្លៃខាងលើបានកុម្ម៉ង់ គឺជាការរួមគ្នាបង្កើតពីសំណាក់ម៉ាកសំលៀកបំពាក់ Hermès និងក្រុមហ៊ុន Bugatti ដែលសុទ្ធតែជាម៉ាកប្រណីតរបស់បារាំង។ រថយន្តត្រូវចំណាយពេល ៣ ឆ្នាំក្នុងការផលិត និងត្រូវបានដាក់ឈ្មោះថា Hermès Edition Bugatti Chiron ដែលមានតែមួយក្នុងលោក។

រថយន្ត Hermès Edition Bugatti Chiron

វាចំណាយពេលយូរក្នុងការផលិត ដោយសារតែ Khoshbin មិនងាយនឹងទទួលយកអ្វីដែលសាមញ្ញនោះទេ។ គេបានសាកល្បងរចនារថយន្តដោយប្រើពណ៌ប្រាក់, ខៀវ និងពណ៌ត្នោត មុននឹងសម្រេចថាប្រើពណ៌ Hermès Craie (ពណ៌ដីស)។

មើលពីក្រៅទៅ រថយន្ត Bugatti នេះមានលក្ខណៈដូចជារថយន្ត Bugatti ធម្មតាដែរ ប៉ុន្តែមិនអ៊ីចឹងទេ។ រន្ធខ្យល់ដែលមានរាងដូចក្រចកជើងសេះនៅខាងមុខគឺច្នៃឡើងដោយអក្សរ H ហើយកាងក្រោយត្រូវបានលាបពណ៌ឲ្យស៊ីនឹងតួខ្លួន។

នៅផ្នែកខាងក្នុងមានឌីហ្សាញដោយសាច់កំណាត់គុណភាពខ្ពស់ ដែលមានរំលេចដោយរូបសេះជាអត្តសញ្ញាណរបស់ Hermès ហើយក្នុងរថយន្តមានស្លាកដែលសរសេរពាក្យថា "មានតែមួយគ្រឿងគត់" នៅច្រើនទីកន្លែងផងដែរ៕