ទើបតែដឹកនាំបានពីរប្រកួត Luiz ថា Arteta នឹងក្លាយជាគ្រូដ៏ល្អលើលោក

2019-12-31 11:27:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារសញ្ជាតិប្រស៊ីល David Luiz បាននិយាយនៅក្នុងការសម្ភាសន៍ជាមួយសារព៌ត័មាន Sky Sports នាពេលថ្មីៗនេះថា លោក Mikel Arteta គ្រូបង្គោលរបស់ Arsenal នឹងក្លាយជា គ្រូបង្វឹកដ៏ល្អម្នាក់នៅក្នុងលោកនេះ។

Luiz បានលើកឡើងថា ៖ " ខ្ញុំមានឱកាសក្នុងការមានគ្រូបង្វឹកជាច្រើនក្នុងអាជីពរបស់ខ្ញុំ។ លោក Arteta រវាសរវៃណាស់ ហើយគាត់ធ្លាប់ជាកីឡាករម្នាក់ ចឹងហើយគាត់ឆ្លាត់ណាស់ " ។

Luiz បានបន្តទៀតថា ៖ " ខ្ញុំគិតថាគាត់ជាគ្រូបង្វឹកដ៏ល្អម្នាក់ ប៉ុន្តែវាជាការងារមួយផ្នែក ដែលខ្ញុំត្រូវជួយគាត់ពីព្រោះម្នាក់ៗមានការសង្ស័យទៅលើគាត់ជាពិសេសតាំងពីដំបូងមកម្លេះ ។ ទោះជាយ៉ាងណាក៏ខ្ញុំនៅតែជឿជាក់លើការដឹកនាំរបស់គាត់។ ខ្ញុំពិតជាជឿលើអ្វី ដែលគាត់យល់ឃើញទៅលើបាល់ទាត់ " ។

គិតមកដល់ពេលនេះ លោក Arteta បានដឹកនាំបានពីរប្រកួតមកហើយដោយក្នុងនោះមានលទ្ធផលឈ្នះមួយ ចាញ់មួយ៕

ប្រភព៖ Marca អត្ថបទ៖ សេរី មង្គល