បន្ទាប់ពីជោគជ័យខ្សែក្រវាត់មាសទី១ ឥលូវ PNN បើកឆាករដូវកាលថ្មីទៀតហើយ

2020-01-06 04:03:22
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអាទិត្យ ទី៥ មករា ២០២០ ម្សិលមិញនេះ សង្វៀនប្រដាល់ PNN បានបើកឆាកប្រកួតជម្រុះដើម្បីដណ្ដើមខ្សែក្រវាត់មាស រដូវកាលទី២ ទៀតហើយបន្ទាប់មានការគាំទ្រក៏ដូចជាជោគជ័យខ្លាំងរដូវកាលទី១។

បេក្ខភាពរបស់កម្ពុជា

លោក ស្រឺ ស្រេង ប្រធានផ្នែកកីឡារបស់ PNN បានឲ្យដឹងថា ការប្រកួតខ្សែក្រវាត់ប្រាក់ និងមាស រដូវកាលពីទី២នេះគឺបានចាប់ផ្ដើមឡើងពីថ្ងៃទី៥ម្សិលមិញនេះ ដោយត្រូវប្រកួតលើប្រភេទទម្ងន់ ៥៧គីឡូក្រាម ចំណែកប្រាក់រង្វាន់នោះគឺ ៤០លានរៀលដូចមុន។

ម៉ន សាម៉េត (ក្រហម)

កម្មវិធី «អធិរាជគុនខ្មែរ ISI PALM» ដែល PNN រួមគ្នាបង្កើតឡើងនេះគឺដើម្បីជាការផ្ដល់ឱកាសដល់កីឡាករទាំងចាស់ និងថ្មីដែលប្រកបដោយសមត្ថភាព អបដោយប្រាក់រង្វាន់ច្រើនសន្ធឹកសន្ធាប់ក៏ដូចជាតម្លៃខ្លួនសមរម្យក្នុងទីផ្សារប្រកួតប្រជែង។ រដូវកាលថ្មីនេះទាំង PNN និងម្ចាស់ឧបត្ថម្ភកម្មវិធីគឺបានសម្រិតសម្រាំងទាំងកីឡាករខ្មែរ-ថៃ ដែលមានសមត្ថភាពដើម្បីប្រកួតប្រជែងគ្នាដណ្ដើមខ្សែក្រវាត់មាសទី២នេះ ហើយលោកក៏ជឿជាក់ថានឹងមានការគាំទ្រកាន់តែខ្លាំងជាងរដូវកាលមុនទៀតផង។

គណៈអធិបតី

បេក្ខភាពខ្មែរទាំង៨នាក់ ដែលត្រូវប្រកួតជម្រុះដណ្ដើមខ្សែក្រវាត់មាស រដូវកាលទី២ ទម្ងន់ ៥៧គីឡូក្រាម ជាមួយអ្នកលេងគុនថៃ របស់ PNN នេះមានរួមមាន ប៊ុន សុធា ម៉ន សាម៉េត លាប រដ្ឋា ពេជ្រ ម្ទេសខ្មាំង វ៉ាន់ វឿន អេលីត ចំរើន ឃួន ឡាំងកូស៊ីន អេ ណារ័ត្ន។

ដោយឡែកកីឡាករ ម៉ន សាម៉េត ចាញ់ពិន្ទុថៃថ្ងៃបើកឆាកម្សិលមិញត្រូវធ្លាក់មុននេះគេហើយ។ សម្រាប់ការប្រកួតនេះកីឡាករណាចាញ់គឺធ្លាក់ អ្នកឈ្នះប្រកួតទី១ បានឡើងទៅវគ្គផ្ដាច់ព្រ័ត្រខ្សែក្រវាត់ប្រាក់នៅប្រកួតទី២។ បន្ទាប់មកអ្នកឈ្នះមិនថាខ្មែរឬថៃនោះទេ ៤នាក់ដែលជាម្ចាស់ខ្សែក្រវាត់ប្រាក់នឹងឡើងទៅវគ្គផ្ដាច់ព្រ័ត្រខ្សែក្រវាត់មាសតែម្ដង៕

អត្ថបទ៖ នួន ស៊ីណា