យក AirPods Pro ទៅភ្ជាប់ជាមួយ iPhone 3GS អាយុកាលជាង ១០ ឆ្នាំមុន នៅដើរអត់?

2020-01-10 01:19:38
ចំនួនមតិ 0 | ចំនួនចែករំលែក 0

ចន្លោះមិនឃើញ

AirPods Pro ដែលប្រកាសកាលពីចុងឆ្នាំ ២០១៩ តើនៅអាចដំណើរការជាមួយនឹង iPhone 3GS ដែលចេញផ្សាយកាលពីពាក់កណ្តាលឆ្នាំ ២០០៩ បានដែរឬទេ?

បច្ចុប្បន្ន iPhone 3GS ពិតជានៅអាចធ្វើការប្រើប្រាស់បានធម្មតា ដែលរត់នៅលើប្រព័ន្ធប្រតិបត្តិជំនាន់ចុងក្រោយរបស់វាគឺ iOS 6.1.6។ ដោយឡែកប្រសិនយើងយកកាស AirPods ឬ AirPods Pro ទៅសាកល្បងភ្ជាប់ជាមួយវានោះ គឺនៅតែអាចប្រើដូចគ្នា គ្រាន់មុខងារមួយចំនួនយើងមិនអាចប្រើបានពេញលេញ។

ចំពោះការភ្ជាប់គឺដូចគ្នា វាពុំងាយស្រួលដូចការភ្ជាប់ AirPods ទៅ iPhone សេរ៊ីក្រោយៗនោះទេ ពោលគឺអ្នកត្រូវភ្ជាប់របៀបដូចភ្ជាប់ AirPods ទៅឧបករណ៍ Android ដោយចូល Settings បើក Bluetooth ហើយសង្កត់លើគ្រាប់ប៊ូតុងតូចមួយនៃប្រអប់ខ្នងកាសដល់ជាប់រហូតចេញភ្លើង LED ទើបវាអាចភ្ជាប់គ្នាបាន។

អ្វីដែលជាបញ្ហាចោទគឺមុខងារ Noise Cancellation វាពុំអាចដំណើរការស្វ័យប្រវត្តិឡើយ ដោយទាមទារឲ្យអ្នកអនុវត្តបញ្ជាតាមជំហានមួយចំនួនទៀតនៅលើកាស ពោលគឺស្មុគស្មាញច្រើនបន្តិច៕

អានអត្ថបទ:

ប្រភព៖ Flashfly ប្រែសម្រួល៖ កៅ រក្សា