ឆ្នាំ២០៣០ រថយន្តអ៊ីដ្រូហ្សែន នឹងដណ្ដើមឆ្នាំងបាយរថយន្តអគ្គិសនី

2020-01-15 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តដំណើរការដោយរថយន្តប្រើអ៊ីដ្រូហ្សែន នឹងវាយលុយទីផ្សាររថយន្តអគ្គិសនីនៅឆ្នាំ២០៣០។ នេះបើតាមសម្ដីរបស់លោក Dr Felix Gress ប្រធានផ្នែកទំនាក់ទំនងសាជីវកម្ម និងកិច្ចការសាធារណៈនៅក្រុមហ៊ុនបច្ចេកវិទ្យារថយន្ត Continental។

លោក Dr Felix Gress បានប្រាប់អតិថិជនម្នាក់នៅប្រទេសអាល្លឺម៉ង់ថា រថយន្តអគ្គិសនី ដំណាងឱ្យរថយន្តមានតម្លៃថោក បើធៀបរថយន្តសាំង និងម៉ាស៊ូត។ អ្នកជំនាញផ្នែកឧស្សាហកម្មរថយន្តបាននេះព្យាករណ៍ ការប្រើប្រាស់រថយន្តអគ្គិសនី នឹងមានការផ្លាស់ប្ដូរក្នុង១ទសវត្សទៀត។

លោកថ្លែងដូច្នេះថា៖ "អតិថិជនពិបាកនឹងទទួលយករថយន្តប្រភេទនេះណាស់។ អ្នកទិញក្នុងតម្លៃខ្ពស់ តែអ្នកប្រើបានរយៈចម្ងាយជិត"។

“ទោះរថយន្តអ៊ីដ្រូហ្សែន មិនទាន់ត្រៀមលក្ខណៈរួចរាល់មែន ប៉ុន្តែនៅឆ្នាំ២០៣០ យើងនឹងឃើញជាក់ជាមិនខាន ជាពិសេសរថយន្តដឹកអ្នកដំណើរ ឬរថយន្ត Truck”។

ក្រុមហ៊ុនផលិតជាច្រើន បានផ្ដោតលើការផលិតរថយន្តអគ្គិសនី ព្រោះចង់គេចចេញពីការបំផាយឧស្ម័នពុល និងតម្រូវតាមច្បាប់នៅទីផ្សារមួយចំនួន ដែលកាត់បន្ថយការប្រើប្រាស់ ឬហាមលក់រថយន្តសាំង និងម៉ាស៊ូត។ លោក Gress ព្រមានថា អតិថិជននឹងមិនទិញរថយន្តអគ្គិសនីច្រើនឡើយ ពោលវាមានចំនួនកំណត់ និងបើកបរបានចម្ងាយជិត។

ក្រុមហ៊ុន Continental កំពុងតែពិចារណាលើរឿងនេះ។ តើអ្នកគិតថា អនាគតរថយន្តប្រើអ៊ីដ្រូហ្សែន នឹងអាចជំនួសរថយន្តអគ្គិសនីបានដែរឬទេ?

ប្រភព៖ Auto Express ប្រែសម្រួល៖ អ៊ុំ សុភក្តិ