Alisson ប្រាប់អាថ៌កំបាំង Klopp ហាមកីឡាករ Liverpool មិនឲ្យធ្វើបើចង់ឈ្នះ PL

2020-01-15 08:27:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Alisson Becker បានរួមចំណែកយ៉ាងធំសំបើមក្នុងការជួយ Liverpool នាំមុខគេនៅ Premier League និងមានភាគរយខ្ពស់លើកពាននៅរដូវកាលនេះ។

Alisson

អ្នកចាំទីសញ្ជាតិប្រេស៊ីលបានអវត្តមានជាច្រើនខែកាលពីដើមរដូវកាលដោយសាររបួសភ្លៅប៉ុន្តែបច្ចុប្បន្នរូបគេមានស្ថិតិ Clean-sheet (រក្សាទីមិនឲ្យរបូតគ្រាប់) ៦ប្រកួតមកហើយ។ Liverpool មាន១៥ពិន្ទុឈរកំពូលតារាងនាំមុខ Manchester City និង១៧ពិន្ទុនាំមុខ Leicester។

អាថ៌កំបាំងនៅពីក្រោយភាពជោគជ័យនេះ ក្រៅពីការហ្វឹកហាត់ និងតិចនិករបស់គ្រូ Alisson ក៏បានបង្ហើបរឿងមួយចំនួនដែលលោក Jurgen Klopp ហាមកីឡាករនៅក្នុងក្រុមមិនឲ្យធ្វើ បើសិនចង់ឈ្នះ Premier League។

អ្នកចាត់ការសញ្ជាតិអាល្លឺម៉ង់បានហាមផ្ដាច់មិនឲ្យកីឡាករគិតពីរឿងបំបែកកំណត់ត្រា ស្ថិតិផ្ទាល់ខ្លួន ស្ថិតិរបស់ក្លឹប ពិន្ទុនាំមុខ និងលទ្ធផលរបស់គូប្រជែងជាដើម។ បើតាម Alisson គឺគ្រប់គ្នាត្រូវប្រឹងហ្វឹកហាត់ និងផ្ដោតតែលើប្រកួតរបស់ខ្លួនសម្រាប់ប្រកួតនីមួយៗប៉ុណ្ណោះ។

យុទ្ធសាស្ត្ររបស់ Klopp ឃើញថាជោគជ័យគួរឲ្យកត់សម្គាល់ដោយបានឈ្នះការប្រកួត២០ដង និងស្មើ១ ពី២១ប្រកួតនៅលីគកំពូលអង់គ្លេស៕

ប្រភព៖ Liverpool Echo ប្រែសម្រួល៖ សៀនហួរ