ស្ថានភាពតានតឹងនៅម្ដុំអ៊ីរ៉ាក់-អ៊ីរ៉ង់ ធ្វើឲ្យ Man Utd សម្រេចដូរផែនការមួយ

2020-01-15 13:22:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Manchester United បានសម្រេចផ្អាកការហ្វឹកហាត់រដូវរងានៅតំបន់មជ្ឈិមបូព៌ាក្នុងឆ្នាំ២០២០ ខណៈស្ថានភាពហាក់តានតឹងនៅប្រទេសអ៊ីរ៉ង់ នេះបើតាមការលើកឡើងរបស់លោក Ole Gunnar Solskjaer។

បិសាចក្រហមមានពេលសម្រាកចំនួន ១៦ថ្ងៃ ក្នុងខែកុម្ភៈ ដោយជារៀងរាល់ឆ្នាំ អ្នកចាត់ការ Solskjaer បាននាំក្រុមកីឡាករ ទៅហ្វឹកហាត់នៅតំបន់វាលខ្សាច់នេះ ខណៈឆ្នាំមុន ក្រុមទាំងមូលបានទៅហ្វឹកហាត់នៅទីក្រុងឌុយបៃ រាជាណាចក្រអារ៉ាបរួម។

ឆ្នាំ២០២០ ធ្លាប់ក្លឹបអង់គ្លេសបានរៀបគម្រោងទៅហាត់នៅរាជធានីដូហា ប្រទេសកាតារ ប៉ុន្តែស្ថានភាពសន្តិសុខមិនត្រូវបានធានាឡើយ។

ក្នុងខែមករានេះ សហរដ្ឋអាមេរិកបានធ្វើឃាតមេទ័ពកំពូលអ៊ីរ៉ង់ នៅដីអ៊ីរ៉ាក់ ដែលធ្វើឲ្យរដ្ឋឥស្លាមនេះ បានសងសឹកដោយបាញ់មីស៊ីលទៅកាន់មូលដ្ឋានទ័ពអាមេរិកនៅអ៊ីរ៉ាក់ ដែលបណ្ដាលឲ្យយន្តហោះអាកាសចរណ៍អ៊ុយក្រែនបានធ្លាក់៕

ប្រភព៖ BBC ប្រែសម្រួល៖ ហ៊ីម រស្មី