ដឹងតែកក្រើក Gamer! ក្រុមហ៊ុនផលិតហ្គេម PUBG ប្រកាសចូលដៃជាមួយ Black Shark

2020-01-21 03:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Tencent Games ដែលជាក្រុមហ៊ុនផលិតហ្គេមធំបំផុតក្នុងលោក កំពុងបម្រើសេវាកម្មហ្គេមកម្សាន្តល្បីឈ្មោះ PUBG: Mobile និង Arena of Valor បានប្រកាសពីគម្រោងសហការជាមួយក្រុមហ៊ុនផលិតស្មាតហ្វូន Black Shark រាប់ទាំងការអភិវឌ្ឍលើផ្នែក Software និង Hardware។

នេះពុំមែនជាលើកដំបូងនោះទេ ដែល Tencent ចូលដៃជាមួយក្រុមហ៊ុនផលិតស្មាតហ្វូន ដោយកន្លងទៅយើងក៏ធ្លាប់ឃើញម៉ូឌែល Tencent Edition ASUS Rog Phone II លេចចេញកាលពីខែកក្កដា ឆ្នាំ ២០១៩។ កិច្ចព្រមព្រៀងថ្មីរវាង Black Shark នឹងផ្តោតសំខាន់ខ្ពស់ទៅលើការផលិតហ្គេមជាធំ ក្នុងគោលដៅផ្តល់បទពិសោធន៍ថ្មីនៃការលេងហ្គេមលើទូរសព្ទដៃសម្រាប់អតិថិជន។

តាមការព្យាករណ៍ទំនងជា Black Shark 3 ដែលត្រៀមលេចមុខក្នុងពេលឆាប់ៗ គឺជាម៉ូឌែលដំបូងដែលកើតចេញពីកិច្ចសហការរវាងក្រុមហ៊ុនធំទាំងពីរ។ ម៉ូឌែលនេះរំពឹងប្រើប្រាស់អេក្រង់ QHD មាន Refresh rate ល្បឿន 120Hz អមបន្ទះឈីប Snapdragon 865 បន្ថែម RAM 16GB និងគាំទ្រប្រព័ន្ធ 5G ទៀតផង៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា