ទារកចិនម្នាក់ ក្លាយជាអ្នកឆ្លងវីរុសកូរ៉ូណាក្មេងជាងគេបំផុត ក្រោយទើបកើតបាន ៣០ម៉ោង

2020-02-06 07:33:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ទារកចិនដែលទើបតែកើតម្នាក់ ត្រូវបានពិនិត្យរកឃើញថាមានផ្ទុកវីរុសកូរ៉ូណាក្រោយពេលដែលទើបនឹងកើតបាន ៣០ម៉ោងប៉ុណ្ណោះ ដែលជាករណីក្មេងជាងគេឆ្លងជំងឺនេះ។

យោងតាមប្រព័ន្ធផ្សព្វផ្សាយរដ្ឋចិន Xinhua ទារកនេះបានកើតនៅថ្ងៃទី ២ ខែកុម្ភះនៅក្នុងមន្ទីរពេទ្យនៃទីក្រុង Wuhan ដែលជាចំណុចកណ្តាលផ្ទុះឡើងវីរុសកូរ៉ូណា។ ម្តាយទារក ត្រូវបានធ្វើតេស្តរកឃើញថាវិជ្ជមាននៃវីរុសកូរ៉ូណាមុនពេលសំរាលកូន ប៉ុន្តែគេនៅមិនទាន់ច្បាស់ថាតើជំងឺនេះត្រូវបានចម្លងតាមរបៀបណាទេ។ ទារកដែលមានទំងន់ ៣.២៥ គីឡូក្រាមនៅពេលចាប់កំណើត ឥឡូវស្ថិតក្នុងស្ថានភាពសុខភាពស្ថេរភាព ហើយត្រូវបានគេដាក់ឱ្យស្ថិតនៅក្រោមការតាមដានបន្ដទៀត។

ជាមួយគ្នាដែរ គ្រូពេទ្យជាន់ខ្ពស់នៃផ្នែកប្រសាទទារកនៃមន្ទីរពេទ្យ បានឲ្យដឹងថាករណីនេះជាសញ្ញាមួយដែលបង្ហាញថា “ យើងគួរតែព្រួយបារម្ភអំពីផ្លូវចម្លងមេរោគថ្មីដែលអាចកើតមាន”។ វីរុសនេះបានរាតត្បាតទៅក្រៅប្រទេសដោយមានប្រទេសចំនួន ២៥ បានបញ្ជាក់ថាមានចំនួនសរុប ១៩១ ករណី បើទោះបីជាមកដល់ពេលនេះមានតែពីរនាក់ប៉ុណ្ណោះដែលបានស្លាប់នៅខាងក្រៅប្រទេសចិនដីគោកក៏ដោយ៕