FA ក៏បើកកិច្ចប្រជុំំមួយ ក្រោយបារម្ភរឿងខូវិដ ១៩ ហើយរឿង Liverpool ខ្លាចអត់បានលើកពាន
- 2020-03-03 13:27:32
- ចំនួនមតិ 0 | ចំនួនចែករំលែក 0
FA ក៏បើកកិច្ចប្រជុំំមួយ ក្រោយបារម្ភរឿងខូវិដ ១៩ ហើយរឿង Liverpool ខ្លាចអត់បានលើកពាន
ចន្លោះមិនឃើញ
អ្នកដឹកនាំស្ថាប័ន Premier League និងម្ចាស់ក្លឹបទាំង ២០ ព្រមទាំងសមាគមបាល់ទាត់អង់គ្លេស បានបើកកិច្ចប្រជុំមួយ ហើយល្ហិចល្ហៀងថា គ្រោងរៀបចំ ការប្រកួត ដោយមិនឲ្យអ្នកគាំទ្រចូលរួមនៅក្នុងការប្រកួត នេះបើយោងតាមការចុះផ្សាយរបស់សារព័ត៌មាន The Sun ។
បើយោងតាមសារព័ត៌មានដដែលនេះបានឲ្យដឹង មូលហេតុដែលឈានទៅដល់មានការប្រកួត មិនបើកចំហនេះ គឺដោយសារតែ អ្នកដឹកនាំស្ថាប័នខាងលើនេះ មានការព្រួយបារម្ភ លើការឆ្លង ជំងឺរលាកផ្លូវដង្ហើម ខូវិដ-១៩។
យ៉ាងណាមិញដោយសារតែការរីករាលដាលជំងឺផ្លូវដង្ហើមមួយនេះបានធ្វើឲ្យ អ្នកគាំទ្រក្លឹប Liverpool មានការសង្ស័យទៅ ការលុបប្រកួតដណ្ដើមពានរង្វាន់ Premier League ដែលបណ្ដាលឲ្យក្លឹបពួកគេ ខកខានមិនបានទទួលពានរង្វាន់មួយនេះ បើយោងតាមប្រភពដដែលនេះ ។
គួរបញ្ជាក់ផងដែរថា នៅប្រទេសអង់គ្លេស មានករណីឆ្លងជំងឺថ្មីនេះសរុប ៤០ករណី ដោយក្នុងនោះដែរ លោកនាយករដ្ឋមន្ត្រី Boris Johnson ក៏បានកត់សម្គាល់ពីការរាលដាលនៃជំងឺនេះក្នុងចក្រភពអង់គ្លេសផងដែរ៕