ភ្ញាក់ផ្អើល! ឆ្កែឆ្លងវីរុសកូរ៉ូណាដំបូងគេលើលោក បានងាប់ហើយក្នុងទីក្រុងហុងកុង

2020-03-18 05:12:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វឆ្កែមួយក្បាលដែលបានឆ្លងវីរុសកូរ៉ូណាមុនដំបូងគេក្នុងពិភពលោក បានងាប់ហើយកាលពីថ្ងៃចន្ទកន្លងទៅនៅក្នុងទីក្រុងហុងកុង។

យោងតាមអាជ្ញាធរសត្វចិញ្ចឹមហុងកុងឲ្យដឹងថា សត្វឆ្កែប្រភេទ Pomeranian អាយុ ១៧ឆ្នាំ ដែលមានម្ចាស់ឆ្លង Covid-19 ត្រូវបានដាក់ឲ្យនៅដាច់ដោយឡែកពីគេនៅអគាររដ្ឋាភិបាលមួយចាប់តាំងពីថ្ងៃទី ២៦ខែកុម្ភៈមក។ ក្នុងអំឡុងពេលដាក់ឲ្យនៅដោយឡែក សត្វឆ្កែត្រូវបានធ្វើតេស្ដចំនួន ៥ដងហើយរកឃើញលទ្ធផលវិជ្ជមានទាំង ៥ដង។ រហូតមកដល់ថ្ងៃទី ១២ និង១៣ខែមីនា សត្វឆ្កែត្រូវបានរកឃើញលទ្ធផលអវិជ្ជមាន ហើយអនុញ្ញាតឲ្យទៅផ្ទះរស់នៅជាមួយម្ចាស់វិញ។

យ៉ាងណាមិញ ក្រោយសត្វឆ្កែនេះងាប់ ម្ចាស់វ័យ ៦០ឆ្នាំរបស់វា មិនព្រមអនុញ្ញាតឲ្យអាជ្ញាធរបើកការស្រាវជ្រាវជុំវិញមូលហេតុដែលបណ្ដាលឲ្យវាងាប់នោះទេ។ គួរឲ្យដឹងថា ស្ត្រីជាម្ចាស់ក៏បានឆ្លងកូរ៉ូណាវីរុសផងដែរ ប៉ុន្តែក្រោយមកត្រូវបានព្យាបាលជាសះស្បើយ និងអនុញ្ញាតឲ្យចេញពីមន្ទីរពេទ្យកាលពីថ្ងៃទី ៨ខែមីនា៕

ប្រភព៖ Scmp ប្រែសម្រួល៖ រ័ត្ន