នៅក្នុងផ្ទះអត់បាន ១៤ថ្ងៃផង Lampard ដើរបណ្ដើរឆ្កែ បំបាត់ក្ដីអផ្សុក
- 2020-03-24 11:56:34
- ចំនួនមតិ 0 | ចំនួនចែករំលែក 0
នៅក្នុងផ្ទះអត់បាន ១៤ថ្ងៃផង Lampard ដើរបណ្ដើរឆ្កែ បំបាត់ក្ដីអផ្សុក
ចន្លោះមិនឃើញ
លោក Frank Lampard គ្រូបង្គោលក្លឹប Chelsea ត្រូវបានគេប្រទះឃើញដើរបណ្ដើរឆ្កែនៅតាមសួនសាធារណៈនៅក្នុងទីក្រុងឡុងដុងប្រទេសអង់គ្លេស។
អ្នកចាត់ការក្លឹបរូបនេះ ត្រូវបានគេឃើញដើរដោយបានពាក់ស្រោមដៃ និងកន្សែងដើម្បីគ្របមុខនៅតាមទីសាធារណៈក្នុងកំឡុងពេលដែលក្លឹប Chelsea បានដាក់បម្រាមឲ្យនៅដាច់ដោយឡែកពីអ្នកដទៃ។
បម្រាមរបស់ក្លឹប Chelsea បានប្រកាសឲ្យកីឡាករនិង បុគ្គលិកទាំងអស់ធ្វើការនៅដោយដាច់ដោយឡែកពីគេចាប់ពីថ្ងៃទី ១៣ខែមីនា ឆ្នាំ២០២០កន្លងទៅនេះរហូតដល់ពេលប្រកួតចាប់ផ្ដើមធម្មតាវិញបន្ទាប់ពីខ្សែប្រយុទ្ធរបស់ខ្លួនកីឡាករ Callum Hudson Odoi បានរកឃើញឆ្លងជំងឺកូរ៉ូណា។
យ៉ាងណាមិញលោក Lampard ត្រូវបានគេឃើញដើរបណ្ដើរឆ្កែតែម្នាក់ឯង និងបានជៀសពីមនុស្សដែលដើរបណ្ដើរឆ្កែដទៃទៀតនៅពេលដែលដើរមកជិតលោក។
បើតាមការចុះផ្សាយរបស់ The Sun ភរិយារបស់លោក Lampard បានទម្លាយថា ស្វាមីរបស់អ្នកស្រីនៅមិនសុខក្នុងផ្ទះទេ ដោយគេដើរទៅចេញទៅក្រៅរហូត៕