Chelsea ចង់បាន Hakimi ដើម្បីជួយតំបន់ការពារស្លាបរបស់ខ្លួន
- 2020-03-29 07:16:37
- ចំនួនមតិ 0 | ចំនួនចែករំលែក 0
Chelsea ចង់បាន Hakimi ដើម្បីជួយតំបន់ការពារស្លាបរបស់ខ្លួន
ចន្លោះមិនឃើញ
ក្រុម Chelsea កំពុងតាមទិញខ្សែការពារ Achraf Hakimi ពីក្រុម Real Madrid នៅរដូវកាលដោះដូរកីឡាករឈានចូលមកដល់ ដើម្បីពង្រឹងតំបន់ស្លាបរបស់ខ្លួន។
Hakimi កំពុងលេងឱ្យក្រុម Dortmund ក្រោមលក្ខខណ្ឌខ្ចីជើងពីក្រុម Real Madrid ។ លោក Zidane ក៏មានគម្រោងនាំយកកីឡាករម៉ារ៉ុកនេះត្រលប់ទៅវិញដែរ ប៉ុន្តែមិនទាន់ច្បាស់១០០%ទេ ត្បិតអីមានក្លឹបជាច្រើនកំពុងមើលឃើញពីសមត្ថភាពគេ និងតាមទិញ។ ជាក់ស្ដែងក្រុម Chelsea តែម្ដង ដែលចង់បានខ្សែការពារស្លាប ដែលអាចជួយបានដល់តំបន់ខាងលើ។
លោក Lampard ដែលជាអ្នកចាត់ការក្រុម Chelsea មើលឃើញកីឡាករវ័យ២១ឆ្នាំនេះ ជាជម្រើសទី១របស់ខ្លួន ដើម្បីទិញយកមកបន្ថែមនៅតំបន់ការពារ។ នេះបានបញ្ជាក់ថា Cesar Azpilicueta ដែលអាចលេងបានទាំងស្លាបឆ្វេង និងស្ដាំនោះ នឹងមានដៃគូថ្មីមកជួយមិនខាន។ Hakimi លេងឱ្យ Dortmund ២៥ប្រកួត រកបាន៣គ្រាប់ និងបញ្ជូនបាល់បាន១០គ្រាប់ក្នុងក្របខណ្ឌ Bundesliga ៕