រុស្ស៊ីផលិត App តាមដានមួយដើម្បីធានាថាអ្នកជំងឺកូវីដ១៩ មិនចេញពីផ្ទះ

2020-04-02 03:41:45
ចំនួនមតិ 0 | ចំនួនចែករំលែក 0

ចន្លោះមិនឃើញ

រុស្ស៊ីកំពុងតែផលិតកម្មវិធីមួយដើម្បីតាមដានពលរដ្ឋដែលមានផ្ទុកជំងឺកូវីដ១៩ ក្នុងគោលបំណងត្រួតពិនិត្យមើលថាពួកគេមានល្មើសនឹងបញ្ជាដែលតម្រូវឲ្យនៅតែក្នុងផ្ទះឬអត់។

ផ្អែកតាមមន្ត្រីរដ្ឋាភិបាលបានឲ្យដឹងថា កម្មវិធីនេះរំពឹងថានឹងដាក់ដំណើរការនៅត្រឹមថ្ងៃព្រហស្បតិ៍នេះ។ នេះបើតាមការចុះផ្សាយរបស់ BBC។ កម្មវិធីនេះនឹងមានសម្រាប់តែពលរដ្ឋដែលបានតេស្តថាមានវិជ្ជមានកូវីដ១៩ ប៉ុន្តែបានអនុញ្ញាតឲ្យចេញពីមន្ទីរពេទ្យ។ BBC បញ្ជាក់ថាកម្មវិធីនេះនឹងស្នើសុំការ Access ទៅកាន់ការហៅទូរសព្ទរបស់អ្នកប្រើប្រាស់, ទីតាំង, កាមេរ៉ា, អង្គផ្ទុក, ព័ត៌មាននៃសេវាទូរសព្ទ និងទិន្នន័យផ្សេងទៀត ហើយវានឹងមានទាំងនៅលើ iOS និង Android។

កាលពីខែកុម្ភៈ ប្រទេសចិនបានដាក់ដំណើរការកម្មវិធីស្រដៀងនេះដែរ ដែលអនុញ្ញាតឲ្យអ្នកប្រើប្រាស់ពិនិត្យមើលថាពួកគេបានមានទំនាក់ទំនងជិតស្និទ្ធជាមួយបុគ្គលដែលមានផ្ទុកកូវីដ១៩ដែរឬយ៉ាងណា៕

ប្រភព៖ thenextweb ប្រែសម្រួល៖ សុខហេង