ឡូយណាស់ ស៊ិន យូប៊ិន ទទួលបានការកោតសរសើរពីសម្ដេច តេជោ ហ៊ុន សែន

2020-04-02 10:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្ដេចតេជោ ហ៊ុន សែន នាយរដ្ឋមន្ដ្រីនៃព្រះរាជាណាចក្រកម្ពុជា បានផ្ញើលិខិតថ្លែងអំណរគុណចំពោះតារាសម្ដែងវ័យក្មេង ស៊ិន យូប៊ិន ដែលបានឧបត្ថម្ភប្រាក់ចំនួន៤០០០ដុល្លារ ដើម្បីប្រយុទ្ធប្រឆាំងនឹងកូវីដ-១៩ ។

នៅក្នុងលិខិតដែលចុះហត្ថលេខាដោយសម្ដេចតេជោ កាលពីថ្ងៃទី២៦ ខែមីនា សម្ដេច បានលើកឡើងថា ប្រជាជនកម្ពុជាកំពុងប្រឈមនឹងហានិភ័យដែលបង្កឡើងដោយជំងឺរីករាលដាលកូវីដ-១៩។ ដូច្នេះហើយ សម្ដេច សូមអគុណនូវសកម្មភាពមនុស្សធម៌នេះ ព្រោះវាផ្នែកមួយជួយសង្គ្រោះជីវិត និងសុខភាពប្រជាជនកម្ពុជាដែលមានហានិភ័យ។

លិខិតស្រដៀងគ្នានេះ បានចេញជាហូរហែដោយប្រមុខរាជរដ្ឋាភិបាល ជូនចំពោះសប្បុរសជន និងអ្នកសិល្បៈដែលបានឧបត្ថម្ភថវិកាដល់រាជរដ្ឋាភិបាលក្នុងការរួមចំណែកទប់ស្កាត់ការឆ្លងរីករាលដាល នៃមេរោគកូវីដ-១៩។

ក្នុងគ្រាដែលប្រទេសកម្ពុជា កំពុងមានគ្រោះភ័យនេះ គេក៏សង្កេតឃើញសកម្មភាពអ្នកសិល្បៈមួយចំនួនបានខ្នះខ្នែង និងឧបត្ថម្ភនូវសម្ភារៈផ្សេងៗដល់អាជ្ញាធរ ដើម្បីប្រយុទ្ធប្រឆាំងនឹងមេរោគផ្លូវដង្ហើមដ៏កាចសាហាវដែលកំពុងឆ្លងរាតត្បាតជាសកលនេះ៕

អត្ថបទ៖ ជិន សុភ័ក្ដ្រ