Facebook បញ្ចេញកម្មវិធី Messenger សម្រាប់ Windows/Mac ជាផ្លូវការហើយ

2020-04-03 06:23:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងទៅសម្រាប់ការឆែតឬ Voice Call នៅលើ Facebook សម្រាប់អ្នកប្រើប្រាស់កុំព្យូទ័ររមែងប្រើ Facebook Web ឬ Messenger Web ជាជំនួយ។ ថ្មីៗនេះក្រុមហ៊ុនបានសម្រេចចែកឲ្យដាច់ពីគ្នាហើយ ពោលគឺចេញផ្សាយនូវកម្មវិធី Messenger ជំនាន់ Desktop ជាផ្លូវការ ទាំងលើប្រព័ន្ធ Windows និង Mac OS។

អ្នកប្រើប្រាស់ Windows អាចទាញយកបាន តាមរយៈ Microsoft Store និង Mac App Store សម្រាប់អ្នកប្រើប្រាស់ Mac។ ដំណើរការផ្ទៃកម្មវិធីរបស់វាទាំងមូល គឺមានលក្ខណៈស្រដៀងទៅនឹងទម្រង់នៅលើ iPad ហើយមានមុខងារប្រើប្រាស់ទូទៅសម្បូរបែបដូចគ្នា ជាពិសេសក៏គាំទ្រ Dark Mode ថែមទៀតផង។

ការប្រកាសចេញនៅពេលនេះ នឹងជាការចូលរួមចំណែកដាក់ឲ្យប្រើប្រាស់នៅកម្មវិធីដែលអ្នកធ្វើការពីផ្ទះឬនិស្សិតត្រូវការជាចាំបាច់ ក្នុងស្ថានភាព COVID-19 ព្រោះ Messenger ក៏អាចនិយាយ Video Call ឬ Voice Call បានដូច App ដទៃទៀតអ៊ីចឹងដែរ ហើយបើនិយាយពីប្រព័ន្ធសុវត្ថិភាពគឺពិតណាស់ដែលក្រុមហ៊ុន Facebook រមែងគួរឲ្យទុកចិត្តជាងគេ៕

អានអត្ថបទ:

អត្ថបទ៖ កៅ រក្សា