COVID-19 អុកឡុកពេក «Mulan» ត្រូវលើកពេលបញ្ចាំងជាថ្មីដល់ខែកក្កដា

2020-04-06 03:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

«Mulan» រឿងកុនខ្នាតធំរបស់ Disney ដែលមាន Liu Yifei ជាតួឯកបានប្រកាសថ្ងៃចេញបញ្ចាំងដំបូងកាលពីថ្ងៃទី ២៧ ខែមីនា ឆ្នាំ ២០២០ ប៉ុន្តែដោយសារមេរោគឆ្លង COVID-19 ឆាឆៅខ្លាំងពេក ទើបត្រូវពន្យារ ហើយថ្មីៗលេចឮថារឿងនេះនឹងលើកទៅបញ្ចាំងនៅថ្ងៃទី ២៤ ខែកក្កដា ខាងមុខវិញ។

អ្នកគាំទ្រជាច្រើនបានទន្ទឹងរង់ចាំរយៈពេលជាយូរនូវថ្ងៃបញ្ចាំងរឿងកុនខ្នាតធំរបស់ Disney មួយនេះ ប៉ុន្តែគួរឲ្យស្ដាយ ស្រាប់តែផ្ទុះមេរោគឆ្លង រាតត្បាតទូទាំងពិភពលោក និងកំពុងក្លាយជាកង្វល់សម្រាប់មនុស្សនៅពេលបច្ចុប្បន្ននេះ ហេតុនេះ «Mulan» ត្រូវពន្យារពេលបង្ហាញមុខ ដើម្បីសុវត្ថិភាពអ្នកគ្រប់គ្នា។ ថ្ងៃបញ្វាំងក៏ត្រូវលើកដល់ថ្ងៃទី ២៤ ខែកក្កដា ឆ្នាំ២០២០ អំឡុងរដូវក្ដៅ។

សម្រាប់កាលបរិច្ឆេទ្ធនេះមិនយូរពេកទេ សម្រាប់ Fan ទាំងអស់ ព្រោះថាបើធៀបទៅនឹងរឿងរបស់ Dwayne Johnson មានចំណងជើងថា «Jungle Cruise» ត្រូវពន្យារថ្ងៃបញ្ចាំងរហូតដល់ថ្ងៃទី ៣០ ខែកក្កដា ឆ្នាំ២០២១ ឯណោះ៕

ប្រភព៖ jaynestars ប្រែសម្រួល៖ យី សុធារី