មានដំណឹង Bundesliga គ្រោងត្រលប់មកវិញក្នុងរយៈពេលខ្លីខាងមុខ
- 2020-04-09 03:02:28
- ចំនួនមតិ 0 | ចំនួនចែករំលែក 0
មានដំណឹង Bundesliga គ្រោងត្រលប់មកវិញក្នុងរយៈពេលខ្លីខាងមុខ
ចន្លោះមិនឃើញ
លីគកំពូលរបស់អាល្លឺម៉ង់ Bundesliga គ្រោងត្រលប់មកវិញនៅខែឧសភាខាងមុខ ប៉ុន្តែត្រូវលេងបិទទ្វារគ្មានអ្នកទស្សនា។ នេះបើតាមការនិយាយរបស់ប្រធានលីគលោក Christian Seifert។
អាល្លឺម៉ង់បានសម្រេចឲ្យ៣៦ក្លឹបនៅលីគកំពូលទាំងពីរត្រលប់មកហ្វឹកហាត់វិញធម្មតា ប៉ុន្តែការតាមដានសុខភាពក៏នៅតែបន្ត។ ស្របពេលដែលមានវិបត្តិវីរុសកូរ៉ូណា Bundesliga គឺជាលីគធំជាងគេមួយនៅអឺរ៉ុបគ្រោងត្រលប់មកវិញក្នុងពេលឆាប់ៗ។
ក្នុងកិច្ចសម្ភាសន៍ជាមួយ New York Times លោក Seifert បាននិយាយថា គម្រោងបច្ចុប្បន្នគឺដើម្បីឲ្យការប្រកួតត្រលប់មកវិញសម្រាប់៣៦ក្លឹបក្នុងពីលីគកំពូលទាំងពីរ ដោយត្រូវចាប់ផ្ដើមនៅខែឧសភា។ ចំពោះ៩ប្រកួតចុងក្រោយគ្រោងនឹងបញ្ចប់ឲ្យបាននៅចុងខែមិថុនា។
លោកបន្ថែមទៀតថា សម្រាប់អ្នកគាំទ្រមិនអាចទៅចូលរួមទស្សនាផ្ទាល់បានទេ ដោយត្រូវតាមដានតាមកញ្ចក់ទូរទស្សន៍នៅផ្ទះជំនួសវិញ។ សម្រាប់ការប្រកួតនីមួយៗ Bundesliga អនុញ្ញាតឲ្យមនុស្សត្រឹម២៤០នាក់រួមមាន កីឡាករ គ្រូ បុគ្គលិកពេទ្យ មន្ត្រីអាជ្ញាកណ្ដាល និងក្រុមការងារថត ចូលក្នុងកីឡដ្ឋាន៕