ទូរសព្ទតម្លៃជាង ៥០០ដុល្លារ ប្រើឈីប SD 865 សាកថ្មកន្លះម៉ោងពេញ ចេញជាផ្លូវការ
- 2020-04-14 01:16:16
- ចំនួនមតិ 0 | ចំនួនចែករំលែក 0
ទូរសព្ទតម្លៃជាង ៥០០ដុល្លារ ប្រើឈីប SD 865 សាកថ្មកន្លះម៉ោងពេញ ចេញជាផ្លូវការ
ចន្លោះមិនឃើញ
OPPO Reno Ace គឺជាស្មាតហ្វូនលេចធ្លោមួយក្នុងឆ្នាំ ២០១៩ ដែលមានផ្ដល់ស្ទើរតែគ្រប់យ៉ាងដែលអ្នកប្រើប្រាស់ចង់បានពីស្មាតហ្វូនមានតម្លៃធូរ។ ពេលនេះក្រុមហ៊ុនបានប្រកាសចេញអ្នកស្នងតំណែងដែលជាម៉ូដែល OPPO Ace 2។
Ace 2 មានបំពាក់បន្ទះឈីប Snapdragon 865, RAM ប្រភេទ LPDDR5, អង្គផ្ទុក UFS 3.0 និងទ្រាំទ្រប្រព័ន្ធ 5G។ ចំណែកអេក្រង់មាន Refresh Rate 90Hz ជាប្រភេទ OLED អាចបង្ហាញរូបភាពក្នុងកម្រិត FHD+។
ចំពោះការសាកថ្មវិញគឺវាទ្រាំទ្រនូវការសាកល្បឿន ៦៥វ៉ាត់ ដែលរំពឹងថាអាចសាកបានពេញក្នុងពេលប្រហែល ៣៥នាទី ដូចជា Reno Ace ដែរ។ មិនតែប៉ុណ្ណោះវាមានបច្ចេកវិទ្យាសាកថ្ម AirVOOC ដែលមានល្បឿនសាក ៤០វ៉ាត់។ OPPO និយាយថាការសាកថ្មឥតប្រើខ្សែចំណាយពេល ៥៦ នាទីប៉ុណ្ណោះ។ អ្នកប្រើប្រាស់នឹងត្រូវចំណាយប្រមាណ ៣៥ដុល្លារ បន្ថែមដើម្បីទិញឆ្នាំងសាកឥតប្រើខ្សែល្បឿនលឿនរបស់ OPPO។ OPPO Ace 2 ក៏មាន Reverse Wireless Charging ល្បឿន ១០វ៉ាត់ផងដែរ។
កាមេរ៉ាក្រោយរបស់ Ace 2 មានចំនួនបួនគ្រាប់ ដែលកាមេរ៉ាមេទំហំ ៤៨MP, កាមេរ៉ា Ultra-Wide ទំហំ ៨MP (កម្រិត ១១៩ ដឺក្រេ) និងកាមេរ៉ា Portrait ចំនួនពីរទំហំ ២MP។ ចំណែកការថត Selfie និងវីដេអូខលគឺទ្រាំទ្រដោយកាមេរ៉ាទំហំ ១៦MP ដែលចោះរន្ធលើអេក្រង់។
មុខងារគួរចាប់អារម្មណ៍ដទៃទៀតលើ Ace 2 គឺមានដូចជាទ្រនាប់ស្កេនម្រាមដៃបង្កប់លើអេក្រង់, មានជំនួយការសិប្បនិម្មិតឈ្មោះ Breeno, មាន Haptic Feedback ល្អប្រសើរជាងមុន, មានរន្ធបំពងសំឡេងស្ទេរីអូ, មាន ColorOS 7.1 នៅពីលើ Android 10។
នៅប្រទេសចិន OPPO Ace 2 មានតម្លៃចាប់ពីប្រមាណ ៥៦៧ដុល្លារ (8GB/128GB), ប្រមាណ ៦២៤ដុល្លារ (8GB/256GB) និងប្រមាណ ៦៥២ដុល្លារ (12GB/256GB) ដែលចេញលក់នាថ្ងៃទី ២០ ខែមេសា។ ចំពោះកាលបរិច្ឆេទលក់ក្រៅទឹកដីប្រទេសចិន មិនទាន់មានការបញ្ជាក់ពី OPPO នៅឡើយទេ៕