Facebook ចំណាយ ២០លានដុល្លារ ដើម្បីការពារ Mark Zuckerberg កាលឆ្នាំមុន
- 2020-04-14 07:14:09
- ចំនួនមតិ 0 | ចំនួនចែករំលែក 0
Facebook ចំណាយ ២០លានដុល្លារ ដើម្បីការពារ Mark Zuckerberg កាលឆ្នាំមុន
ចន្លោះមិនឃើញ
កាលពីឆ្នាំ ២០១៩ ក្រុមហ៊ុន Facebook បានចំណាយទឹកប្រាក់ជាង ២៣ លានដុល្លារលើការការពារ និងការធ្វើដំណើរជាលក្ខណៈឯកជនតាមយន្តហោះសម្រាប់លោក Mark Zuckerberg ដែលជានាយកប្រតិបត្តិ។ នេះបើផ្អែកតាមលិខិតហិរញ្ញវត្ថុដែលចេញផ្សាយនាថ្ងៃសុក្រកន្លងទៅ។
ក្នុងកញ្ចប់លុយជាង ២៣ លានដុល្លារ គឺមានប្រមាណ ១០,៤ លានដុល្លារ ជាការចំណាយលើការពារសុវត្ថិភាពផ្ទាល់ខ្លួនរបស់លោក Mark ពេលនៅផ្ទះ និងពេលធ្វើដំណើរ។ ចំណែក ១០លានដុល្លារបន្ថែម គឺត្រូវចំណាយសម្រាប់ការពារលោក Mark និងក្រុមគ្រួសារ។ ធៀបនឹងឆ្នាំ ២០១៨ ក្រុមហ៊ុន Facebook ចំណាយ ៩,៩៥ លានដុល្លារ លើការការពារសុវត្ថិភាពផ្ទាល់ខ្លួនរបស់នាយកប្រតិបត្តិខ្លួន។
លិខិតហិរញ្ញវត្ថុបានបង្ហាញដែរថាការធ្វើដំណើរតាមយន្តហោះជាលក្ខណៈឯកជនប្រចាំឆ្នាំ ២០១៩ របស់លោក Mark Zuckerberg គឺចំណាយអស់ ២,៩៥ លានដុល្លារ។ កាលពីឆ្នាំ ២០១៨ ថ្លៃធ្វើដំណើរនេះគឺអស់ ២,៥៩ លានដុល្លារ និងនៅឆ្នាំ ២០១៧ អស់ ១,៥២ លានដុល្លារ៕