ចំណុចខ្លាំង ៤ លើ Android នៅតែមិនទាន់លេចវត្តមានលើ iPhone

2020-04-22 07:16:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានព្យាយាមអភិវឌ្ឍនិងធ្វើការបន្ថែមនូវមុខងារថ្មីពីមួយឆ្នាំទៅមួយឆ្នាំ ប៉ុន្តែក៏នៅតែមានចំណុចខ្វះខាតមួយផ្នែកតូច ដែលវាជាតម្រូវការចាំបាច់សម្រាប់ការប្រើប្រាស់លើស្មាតហ្វូន។

ក្នុងនោះមានចំណុចរសើប ៤ លើស្មាតហ្វូន Android កំពូលៗ ដែលមិនទាន់មានប្រើប្រាស់លើ iPhone តម្លៃខ្ទង់ពាន់ដុល្លារ៖

Always-On Display

មុខងារ Always-On Display បើនិយាយពីអតិថិជនប្រើស្មាតហ្វូន Android គឺទទួលបានបទពិសោធន៍នេះជាយូរណាស់មកហើយ ដោយវាអនុញ្ញាតឲ្យអ្នកអាចគោះអេក្រង់មើលឃើញមុខងារសំខាន់ៗមួយចំនួនដូចជាការឆែក Notification កាលបរិច្ឆេទ និងការបញ្ជាតន្រ្តីជាដើម។

ប៉ុន្តែនៅលើ iPhone គឺយើងរង់ចាំជាច្រើនឆ្នាំមកហើយ ដោយមានត្រឹមតែចចាមអារ៉ាមថានឹងដាក់ឲ្យប្រើប្រាស់នៅពេលខាងមុខ ឬអាចជានៅលើ iOS 14។

ការប្រើរន្ធ USB-C

នៅលើ iPad Pro និង MacBook ជំនាន់ថ្មី គឺមានប្រើប្រាស់រន្ធដោត USB-C រួចទៅហើយ នៅឡើយតែ iPhone ដែលលើ iPhone 11 Pro Max បន្តប្រើខ្សែ Lightning ដដែល។ បើធៀបនឹងស្មាតហ្វូន Android បច្ចុប្បន្ន មិនថាតែស្មាតហ្វូនមធ្យមមួយចំនួនគឺសុទ្ធសឹងគាំទ្ររន្ធ USB-C ដែលជំនួយដល់ការសាកថ្មលឿនជាងរន្ធ USB ធម្មតា។

ការគ្រប់គ្រង Control Center បានធំទូលាយ

ត្បិតផ្ទៃ Interface នៃ Control Center លើស្មាតហ្វូន Android មើលទៅហាក់មិនសូវជាស្រស់ស្អាតដូចនៅលើ iPhone ប៉ុន្តែវាមានការអនុញ្ញាតឲ្យប្រើប្រាស់ធំទូលាយច្រើនជាង។ លើ Android អ្នកអាចទទួលបានលើសពី ២ ទំព័រ ហើយអាចរៀបចំ Shortcut និង Function ណាមួយតាមលំដាប់បានស្រួលខុសពី iOS ដែលមានកំណត់។

ការចែកអេក្រង់នៃកម្មវិធី

Split-Screen សម្រាប់ iOS មានលើតែ iPad មួយគត់ ហើយវាបានដំណើរការប៉ុន្មានឆ្នាំមកហើយ។ ប៉ុន្តែនៅលើ iPhone គឺមិនទាន់អាចធ្វើបាននោះទេ ខុសពីស្មាតហ្វូន Android សេរ៊ីក្រោយៗគឺអាចពុះចែកកម្មវិធីឲ្យដំណើរការក្នុងពេលតែមួយបានផុយ និងមិនមានភាពរអាក់រអួលអ្វីឡើយ៕

អានអត្ថបទ:

ប្រភព៖ idropnews ប្រែសម្រួល៖ កៅ រក្សា