Newcastle អាចយក Bale និង Cavani មកផុយ បើតែងតាំងបុរសម្នាក់នេះធ្វើអ្នកចាត់ការ

2020-04-27 03:09:30
ចំនួនមតិ 0 | ចំនួនចែករំលែក 0

ចន្លោះមិនឃើញ

Dimitar Berbatov ជឿជាក់ថា Newcastle Unied អាចទាក់ទាញកីឡាករកំពូលៗមកចូលរួមក្លឹបបានដូចចា Gareth Bale ជាដើម ប្រសិនបើពួកគេតែងតាំងលោក Mauricio Pochettino ធ្វើជាអ្នកចាត់ការ។

Newcastle ជិតផ្លាស់ប្ដូរប្រធានក្លឹបហើយ បន្ទាប់ពីដាក់តម្លៃទិញ៣០០លានផោនពីព្រះអង្គម្ចាស់នៃប្រទេសអារ៉ាប៊ីសាអ៊ូឌីតម្នាក់ និងមានករយល់ព្រមពីម្ចាស់ក្លឹបបច្ចុប្បន្នលោក Mike Ashley។ ប្រសិនបើការព្រមព្រៀងកើតឡើងជាផ្លូវការ នោះ Newcastle នឹងក្លាយជាក្លឹបអ្នកមានត្រឹមតែមួយពព្រិចភ្នែក អាចយកបានកីឡាករល្អៗ ដើម្បីប្រជែងពានបាន។

ជាមួយគ្នានេះអតីតកីឡាករ Spurs និង Manchester United គឺ Berbatov បាននិយាយថា គន្លឹះសំខាន់ដើម្បីយកបានកីឡាករកំពូលៗដូចជា Bale និង Cavani គឺត្រូវតែងតាំងអ្នកចាត់ការល្បីដូចជា Pochettino។ Berbatov បន្ថែមថា ប្រសិនបើក្លឹបយកបាន Pochettino ពិតជាការផ្លាស់ប្ដូរដ៏ល្អសម្រាប់ក្រុម។ ព្រោះពេលដែលទៅនិយាយទាក់ទងកីឡាករ ពួកគេនឹងចាប់អារម្មណ៍។

លោក Massimiliano Allegri ក៏ជាគោលដៅមួយដែល Newcastle ចង់នាំមក ខណៈក្លឹបមានបំណងចង់ផ្ទេរកីឡាករល្អចូលក្នុងនោះ Edinson Cavani របស់ Paris Saint-Germain ជាគោលដៅធំ៕